ސައުތު އޭޝިއަން ބިޒްނަސް އެކްސެލެންސްގެ ދެ އެވޯޑެއް އެމްއައި ކޮލެޖަށް
13 ޑިސެމްބަރު 2021 | ހޯމަ 03:47އެމްއައި ކޮލެޖަށް ލިބުނީ "ބެސްޓް އިމާޖިން އެޑިއުކޭޝަނަލް އިންސްޓިޓިއުޓް"ގެ އެވޯޑާއި "އެކްސެލެންސް އިން އީ-ލާނިން" އެވޯޑު
އެމްއައި ކޮލެޖުގެ ޗެއާމަން އަދި ކޯ ފައުންޑާ އަހުމަދު މޮއްތަކީ، ދެ އެވޯޑާއެކު
"ސައުތު އޭޝިއަން ބިޒްނަސް އެކްސެލެންސް އެވޯޑްސް"ން ދޭ ދެއެވޯޑެއް ރާއްޖޭގެ މިއާންޒް އިންޓަނޭޝަނަލް ކޮލެޖް (އެމްއައި ކޮލެޖް)ށް ލިބިއްޖެއެވެ.
ކޮލަމްބޯގައި ބޭއްވި މި އެވޯޑު ހަފްލާގައި އެމްއައި ކޮލެޖަށް ލިބުނީ "ބެސްޓް އިމާޖިން އެޑިއުކޭޝަނަލް އިންސްޓިޓިއުޓް"ގެ އެވޯޑާއި "އެކްސެލެންސް އިން އީ-ލާނިން" އެވޯޑެވެ. ލަންކާގެ ކުރީގެ ރައީސް މައިތިޕާލާ ސިރިސޭނާ ހަވާލުކުރެއްވި މި އެވޯޑާ އެމްއައި ކޮލެޖުން ހަވާލުވީ އެކޮލެޖުގެ ޗެއާމަން އަދި ކޯ ފައުންޑާ އަހުމަދު މޮއްތަކީއެވެ.
ދުނިޔޭގެ ފެންވަރުގެ މި އެވޯޑު އެމްއައި ކޮލެޖަށް ލިބުމަކީ އެކޮލެޖަށް ލިބުނު ބޮޑު ޝަރަފެކެވެ. އަދި ކުރިއަށް އޮތް ތަނުގައި ކޮލެޖު އިތުރަށް ކުރިއަރާ ދިއުމަށް ލިބުނު ވަރަށް ބޮޑު ފުރުސަތެކެވެ.
ސައުތު އޭޝިއަން ބިޒްނަސް އެކްސެލެންސް އެވޯޑަކީ ދެކުނު އޭޝިއާގެ ގައުމުތަކުގައި ފާހަގަ ކޮށްލެވޭ ވިޔަފާރިތަކާއި އިންސްޓިޓިއުޝަންތަކަށް ދޭ އެވޯޑެކެވެ. މި އެވޯޑުގައި ވާދަ ކުރާ ގައުމުތަކުގެ ތެރޭގައި އަފްޢާނިސްތާނާއި ބަންގްލަދޭޝާއި ބޫޓާނާއި އިންޑިއާ އާއި ރާއްޖެ އާއި ނޭޕާލުގެ އިތުރުން ޕާކިސްތާނާއި ސްރީ ލަންކާ ހިމެނެއެވެ.
