މާލެ ޖަލުގައި ހުރި ބިދޭސީއެއް މަރުވެއްޖެ
މީހަކު މެރުމުގެ ކުށުގައި ޝަރީއަތް ނިމެންދެން މާލެ ޖަލުގައި ބަންދުކޮށްފައިވާ މީހެއް
މާލެ ޖަލު
މާލެ ޖަލުގައި ވާނުވާ ބަންދުގައި ހުރި ބިދޭސީއަކު މަރުވެއްޖެއެވެ.
އޭނާ މަރުވީ، ހާޓް އެޓޭކެއް ޖެހިގެން އައިޖީއެމްއެޗްގައި ފަރުވާ ދެމުން ދަނިކޮށް ބުރާސްފަތި ދުވަހުގެ ފަތިހުއެވެ. އެމްޑީ އަކްތަރު ހުސައިން، 50 ހޮސްޕިޓަލަށް ގެންދިޔައީ ގޮޅިތެރޭގައި ތާސް ކުޅެން އިންދާ މެއަށް ތަދެއް އަރައި، ނޭވާލާން އުނދަގޫ ވެގެން ކަމަށް މޯލްޑިވްސް ކަރެކްޝަނަލް ސަރވިސުން މައުލޫމާތު ދެއެވެ.
އޭނާ އަކީ މީހަކު މެރުމުގެ ކުށުގައި ޝަރީއަތް ނިމެންދެން މާލެ ޖަލުގައި ބަންދުކޮށްފައި ހުރި މީހެކެވެ.
އޭނާ ހޮސްޕިޓަލަށް ގެންދިއުމާ ގުޅިގެން އިންސްޕެކްޓަރ އޮފް ކަރެކްޝަނަލް ސަރވިސް، މޯލްޑިވްސް ޕޮލިސް ސަރވިސް އާއި ހިއުމަން ރައިޓްސް ކޮމިޝަން އޮފް ދަ މޯލްޑިވްސް އާއި ނެޝަނަލް އިންޓެގްރިޓީ ކޮމިޝަނަށް އެކަން އަންގާފައިވާ ކަމަށް ކަރެކްޝަނުން ބުނެއެވެ.
