ފާއިތުވި 24 ގަޑިއިރުތެރޭ ކޮވިޑަށް ޕޮޒިޓިވްވީ 131 މީހުން
21 އޮކްޓޯބަރު 2021 | ބުރާސްފަތި 17:0784،918 މީހުން ވަނީ ބަލިން ރަނގަޅުވެފައި
މާލޭގެ މަގުމަތި
ފާއިތުވި 24 ގަޑިއިރުތެރޭ ރާއްޖެއިން 131 މީހުން ކޮވިޑް-19ށް ޕޮޒިޓިވްވެއްޖެއެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ)ން ހާމަކޮށްފައިވާ ތަފާސްހިސާބުތަކަށް ބަލާއިރު, ޕޮޒިޓިވްވި 131 މީހުންގެ ތެރެއިން މާލެ ސަރަހައްދުން ޕޮޒިޓިވްވެފައިވަނީ 44 މީހުންނެވެ. ރަށްރަށުން 77 މީހުން ޕޮޒިޓިވްވެފައިވާއިރު ހިންގަމުންދާ ރިސޯޓްތަކުން 7 މީހުންނާއި ލިވްއަބޯޑްތަކުން 3 މީހުން ވަނީ ޕޮޒިޓިވްވެފައެވެ.
މިއާއެކު ރާއްޖެއިން ކޮވިޑަށް ޕޮޒިޓިވްވި މީހުންގެ އަދަދު ވަނީ 86،550ށް އަރާފައެވެ. މީގެތެރެއިން 84،918 މީހުން ވަނީ ބަލިން ރަނގަޅުވެފައެވެ. އަދި މިވަގުތު 1،379 މީހަކަށް އަންނަނީ މިބަލީގައި ފަރުވާދެމުންނެވެ. އަދި މީގެތެރެއިން 17 މީހަކަށް އަންނަނީ ހޮސްޕިޓަލްތަކުގައި އެޑްމިޓްކޮށްގެން ފަރުވާދެމުންނެވެ.
ރާއްޖެއިން މިހާތަނަށް ކޮވިޑް ޖެހިގެން 240 މީހަކު ވަނީ ނިޔާވެފައެވެ.
ރާއްޖޭގައި މިހާރު ކޮވިޑްގެ އަދަދުތައް ވަނީ ވަކި މިންވަރެއްގައި ކޮންޓްރޯލްކުރެވިފައެވެ. ނަމަވެސް ކޮވިޑުން ރައްކާތެރިވުމަށް އަޅަންޖެހޭ ފިޔަވަޅުތަކަށް ސަމާލުކަންދިނުމަށް ކަމާބެހޭ ފަރާތްތަކުން އަންނަނީ އިލްތިމާސްކުރަމުންނެވެ.
