ފާއިތުވި 24 ގަޑިއިރުތެރޭ ކޮވިޑަށް ޕޮޒިޓިވްވީ 95 މީހުން
މާލެ ސަރަހައްދުން ޕޮޒިޓިވްވެފައިވަނީ 38 މީހުން
މާލޭގެ މަގުމަތި
ފާއިތުވި 24 ގަޑިއިރުތެރޭ ރާއްޖެއިން 95 މީހުން ކޮވިޑް-19ށް ޕޮޒިޓިވްވެއްޖެއެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ)ން ހާމަކޮށްފައިވާ ތަފާސްހިސާބުތަކަށް ބަލާއިރު ޕޮޒިޓިވްވި 95 މީހުންގެ ތެރެއިން މާލެ ސަރަހައްދުން ޕޮޒިޓިވްވެފައިވަނީ 38 މީހުންނެވެ. ރަށްރަށުން 55 މީހުން ޕޮޒިޓިވްވެފައިވާއިރު ހިނގަމުންދާ ރިސޯޓްތަކުން ދެ މީހުން ޕޮޒިޓިވްވެފައިވެއެވެ.
މިއާއެކު ރާއްޖެއިން ކޮވިޑަށް ޕޮޒިޓިވްވި މީހުންގެ އަދަދު ވަނީ 86،419ށް އަރާފައެވެ. މީގެތެރެއިން 86،419 މީހުން ވަނީ ބަލިން ރަނގަޅުވެފައެވެ. އަދި މިވަގުތު 1،311 މީހަކަށް އަންނަނީ މިބަލީގައި ފަރުވާދެމުންނެވެ. އަދި މީގެތެރެއިން 15 މީހަކަށް އަންނަނީ ހޮސްޕިޓަލްތަކުގައި އެޑްމިޓްކޮށްގެން ފަރުވާދެމުންނެވެ.
ރާއްޖެއިން މިހާތަނަށް ކޮވިޑް ޖެހިގެން 239 މީހަކު ވަނީ ނިޔާވެފައެވެ.
ރާއްޖޭގައި މިހާރު ކޮވިޑްގެ އަދަދުތައް ވަނީ ވަކި މިންވަރެއްގައި ކޮންޓްރޯލްކުރެވިފައެވެ. ނަމަވެސް ކޮވިޑުން ރައްކާތެރިވުމަށް އަޅަންޖެހޭ ފިޔަވަޅުތަކަށް ސަމާލުކަންދިނުމަށް ކަމާބެހޭ ފަރާތްތަކުން އަންނަނީ އިލްތިމާސްކުރަމުންނެވެ.
