ރައީސް ނަޝީދަށް މަރުހަބާ ދެންނެވުމަށް ރައީސް ޞާލިހް އެއާރޕޯޓަށް ވަޑައިގަންނަވާނެ
11 އޮކްޓޯބަރު 2021 | ހޯމަ 07:29ރައީސް ނަޝީދު މާލެ ވަޑައިގަންނަވަނީ 3 ދުވަހަށް
ރައީސް ނަޝީދު
ރައްޔިތުންގެ މަޖިލީހުގެ ރައީސް، ރައީސް މުހައްމަދު ނަޝީދު މިއަދު މާލެ ވަޑައިގަންނަވާއިރު އެމަނިކުފާނަށް މަރުހަބާ ދަންނަވަން ރައީސުލްޖުމްހޫރިއްޔާ އިބުރާހިމް މުހައްމަދު ޞާލިހް އެއާޕޯޓަށް ވަޑައިގަންނަވާނެ ކަމަށް އިތުބާރު ހުރި ގޮތަކަށް ރާއްޖެއެމްވީއަށް މައުލޫމާތު ލިބިއްޖެއެވެ. ރައީސް ނަޝީދު މާލެ ވަޑައިގަންނަވަނީ މިއަދުގެ މެންދުރުފަހުގެ ވަގުތެއްގައެވެ.
ރައީސް ނަޝީދަށް މަރުަހަބާ ދެންނެވުމަށް ރައީސުލްޖުމްހޫރިއްޔާ އިބުރާހިމް މުހައްމަދު ޞާލިހު އެއާޕޯޓަށް ވަޑައިގަންނަވާނީ ރައީސުލްޖުމްހޫރިއްޔާގެ ހައިސިއްޔަތަކުންނޫނެވެ.
ރައީސް ނަޝީދަށް އަމާޒުކޮށް މޭ މަހުގެ 6 ވަނަ ދުވަހު ދިން ޓެރަރިސްޓް ހަމަލާއާ ގުޅިގެން ލިބިވަޑައިގެންނެވި އަނިޔާއަށް ފަރުވާ ހޯއްދެވުމަށް ރާއްޖެއިން ބޭރުގައި ގިނަ މަސްތަކެއްވަންދެން ހުންނަވަން ޖެހިވަޑައިގަތެވެ. ރައީސް ނަޝީދު ފަރުވާއަށް ފަހު މިއަދު މާލެވަޑައިގަތުމަށް ފަހު 3 ދުވަހު މާލޭގައި ހުންނަވާނެއެވެ.
