ރައީސް އޮފީސް، ހުކުރު މިސްކިތް އަދި އިސްލާމީ މަރުކަޒަށް ކުޑަކަމުގޮސްފައިވަނީ ނުކުޅެދުންތެރިކަން ހުންނަ މީހެއް ކަމަށް ފުލުހުން ބުނެފިއެވެ.
ފުލުހުން މިހެން ބުނެފައި މިވަނީ އެމީހާ ކުޑަކަމުދާން ހުއްޓައި ނަގާފައިވާ ފޮޓޯތަކެއް ސޯޝަލް މީޑިއާގައި އާއްމުވެފައިވަނިކޮށެވެ.
ފުލުހުން ބުނީ އާދީއްތަ ދުވަހު ރައީސް އޮފީސް ގޭޓް، ހުކުރު މިސްކިތް އަދި އިސްލާމީ މަރުކަޒުގައި މީހުން ނަމާދަށް ތިއްބައި މީހަކު ކުޑަކަމުދިޔަކަމުގެ މައުލޫމާތު ލިބިފައިވާ ކަމަށެވެ.
ފުލުހުން ބުނީ ކުޑަކަމުގޮސްފައިވަނީ ނުކުޅެދުންތެރިކަން ހުންނަ މީހެއްކަން އެނގިފައިވާ ކަމަށެވެ. އަދި މިކަމާގުޅިގެން އިތުރަށް ބަލަން ޖެހޭ ކަންކަން ބަލަމުންދާ ކަަމަށް ފުލުހުން ބުނެއެވެ.
އެމީހާ ހައްޔަރު ކޮށްފައިވާ ކަމެއް ނުވަތަ ނޫން ކަމެއް ފުލުހުން ހާމަ ކޮށްފައެއް ނުވެއެވެ.
