މަކަރާއި ހީލަތުގެ މައްސަލައެއްގެ ތަހުގީގަށް ޒުވާނަކު ހޯދަނީ!
ހޯދަމުންދަނީ ތ. ތިމަރަފުށި، މުލިމަތީގެ، 24 އަހަރުގެ ހަސަން ވަހީދު
ހޯދަމުންދާ 24 އަހަރުގެ ހަސަން ވަހީދު
މަކަރާއި ހީލަތުގެ މައްސަލައެއްގެ ތަހުގީގަށް ޒުވާނަކު ހޯދަން އިއުލާންކޮށްފިއެވެ.
ފުލުހުން ބުނީ ތ. ތިމަރަފުށި، މުލިމަތީގެ، 24 އަހަރުގެ ހަސަން ވަހީދު ހުޅުމާލެ ޕޮލިސް ސްޓޭޝަނަށް 2021 އޮކްޓޯބަރ 6 ވަނަ ދުވަހުގެ މެންދުރު 2:00ށް ހާޒިރުވާން ޖެހޭ ކަމަށެވެ. އަދި އޭނާ ހާޒިރު ކުރަނީ މަކަރާއި ހީލަތުގެ މައްސަލައެއްގެ ތަހުގީގުގައި ސުވާލުކުރުމަށާއި، މައުލޫމާތު ސާފުކުރުމަށް ކަމަށް ފުލުހުން ބުނެއެވެ.
ފުލުހުން ބުނީ ހުޅުމާލޭ އިންވެސްޓިގޭޝަން ޑިޕާޓްމަންޓަށް ހުށަހެޅި ތަހުގީގު ކުރަމުންދާ މަކަރާއި ހީލަތުގެ މައްސަލައެއްގެ ތަހުގީގަށް މީހަކު ހާޒިރުކުރުމަށް ބޭނުންވެ، އުޅޭ ވަކިތަނެއް ނޭނގުމުގެ ސަބަބުން ތަހުގީގަށް ހާޒިރުވުމަށް ޗިޓް ރައްދު ކުރެވިފައިނުވާ ކަމަށެވެ. އަދި އާއިލާއަށް ވެސް އޭނާ އުޅޭ ވަކިތަނެއް އެނގިފައިނުވާތީ، ޖިނާއީ މައްސަލަތައް ތަހުގީގު ކުރުމުގައި ފުލުހުން އަމަލުކުރާ އިޖުރާއަތުގެ ގަވާއިދުގެ 27 ވަނަ މާއްދާގައި ވާގޮތުގެ މަތިން ތަހުގީގަށް ހާޒިރުވުމަށް ވަނީ އަންގާފައެވެ.
މަކަރާއި ހީލަތުގެ މައްސަލައެއްގެ ތަހްގީގަށް ޒުވާނަކު ހޯދަން ބުރާސްފަތި ދުވަހު އިއުލާން ކޮށްފައިވާއިރު، ފަހަކަށް އައިސް މިފަދަ މައްސަލަތަކުގައި ފުލުހުންގެ އިދާރާއަށް މީހުން ހާޒިރުކުރުމަށްޓަކައި ފޮޓޯއާއެކު އެމީހުންގެ މައުލޫމާތު ދަނީ އާއްމުކުރަމުންނެވެ.
