އަފްޣާނިސްތާނުން އެމެރިކާ ސިފައިން ފައިބާއިރު ކަންކަން ވާނެގޮތާމެދު ޖެހި ހިސާބުތައް ދިމަލެއްނުވި

އަފްޣާނިސްތާނުން އެމެރިކާ ސިފައިން ފައިބާއިރު ކަންކަން ދާނެގޮތާއިމެދު ކުރި އަންދާޒާތަކާއި ދިމާނުވިކަމަށް އެމެރިކާގެ ދިފާއީ ވަޒީރު ލޮއިޑް އޮސްޓިން ވިދާޅުވެއްޖެއެވެ.

އެމެރިކާ ސިފައިން އަފްޣާނިސްތާނުން ފޭބުމާއި ގުޅޭގޮތުން ވާހަކަ ދައްކަވަމުން އޮސްޓިން ވިދާޅުވީ ޠާލިބާނުންގެ ކުރިމަތީގައި އަފްޣާން ސިފައިންގެ ބިޔަ ލަޝްކަރު ރޫޅިގެންދިޔަ ގޮތާއިމެދު ހައިރާންވި ކަމަށެވެ. އަދި މިއީ އަސްކަރީ ތަޖުރިބާގައި މިހާތަނަށް އެމެރިކާ ސިފައިންގެ ޚިޔާލަށްވެސް ގެނެވިފައިނުވާ ކަމެއް ކަމަށް އޮސްޓިން ވިދާޅުވިއެވެ.

އޮސްޓިން ވިދާޅުވީ އަފްޣާން ސިފައިން ކުއްލި ގޮތަކަށް ރޫޅިގެންދިޔައީ ޠާލިބާނުންނާއި ދެކޮޅަށް އުންޑައެއް ފޮނުވާލާނެހާ ހަކަތަ ނެތިކަމަށާއި، އެއީ ސިހުން ލިބުނު ކަމެއް ކަމަށެވެ. އަދި މި ދަނޑިވަޅުގައި އަފްޣާނިސްތާނުގައި އެމެރިކާ ސިފައިންނަށް ކުރެވޭނެ ކަމެއް ނެތް ކަމަށާއި، އެތައް އަހަރަކުން އެތައް ބިލިއަން ޑޮލަރަކުން އެމެރިކާއިން އަފްޣާނުންގައި ބިނާކުރި ލަޝްކަރުތަކާމެދު އެމެރިކާއިން ޖެހި ހިސާބުތައް ދިމާނުވުމަކީ އެމެރިކާއަށް ނާކާމިޔާބީއެއް ކަމަށެވެ.

އޮސްޓިން ވިދާޅުވީ ޠާލިބާނުންނަކީ އެމެރިކާގެ ޒަމާންވީ ދުޝްމަން ކަމަށްވާއިރު، ޠާލިބާނުންނާ ސުލްހަވެ އަފްޣާނުން ފައިބާން ޖެހުނީ އެގައުމުގެ ސަލާމަތަށް ކަމަށާއި، އެހެންކަމުން ޠާލިބާނުންނާ ސުލްހަވުން ނޫން ގޮތެއް އެމެރިކާއަށް ނެތް ކަމަށެވެ.