"ރާބްތާ" ގެ ލަވަ: މެއިން ތެރަ ބޯއިފްރެންޑް އަށް ބޮޑު ތަރުހީބެއް

ޖޫން މަހުގެ 9 ވަނަ ދުވަހު ރިލީޒް ކުރުމަށް ތައްޔާރުވަމުން އަންނަ "ރާބްތާ" ލަވަ ކަމަށްވާ "މެއިން ތެރަ ބޯއިފްރެންޑް" އަށް އެ ލަވަ ނެރުމާއެކު ތަރުހީބު އޮހެން ފަށައިފިއެވެ.

މިލަވައިގައި އެ ދެމީހުންގެ ނެށުމުގެ ހުނަރަށް ތައުރީފުކުރާއިރު އެ ދެމީހުންގެ ކެމިސްޓްރީ ވަރަށް ގުޅޭކަމަށް ބުނެއެވެ. މިލަވަ ކިޔާފައިވަނީ އަރީޖީތު ސިންހެވެ. ލިރިކްސް ހަދާފައިވަނީ ކުމާރެވެ. ޒުވާން ދެ ތަރިން ކަމަށްވާ ސުޝާންތު ސިންގް ރާޖްޕުޓާއި ކިރިތީ ސެނަން ލީޑް ރޯލް ކުޅެފައިވާ ލޯބީގެ ފިލްމް "ރާބްތާ" ބަލަން އެތަކެއް ހާސް މީހުން ވަނީ ކެތްމަދުވެފައއެވެ.

ރިޕޯޓްތައް ބުނާގޮތުގައި މި ފިލްމުގެ ލީޑް ރޯލުން ފެނިގެންދާ ސުޝާންތާއު ސިންގް ވަނީ މި ފިލްމުގެ ޝޫޓިން ފެށުނު އިރުވެސް ލޯބީގެ ގޮތުން ގުޅިފައެވެ. އެހެން ނަމަވެސް އެގުޅުން މިހާރު ވަނީ ނިމުމަކަށް އައިސްފައިކަމަށް ވެއެވެ.

"ރާބްތާ" ގައި ދީޕިކާ ޕަދްކޯން ފެނިގެން ދާއިރު އޭނާ ފެންނާނީ މި ފިލްމުގެ ވަރަށް ހާއްސަ ލަވައަކުން ކަމށްވެއެވެ.

"ރާބްތާ" ޑައިރެކްޓް ކޮށްފައިވަނީ ކޮކްޓެއިލް" އާއި "ފައިންޑިން ފެނީ" ފަދަ ފަދަ ފިލްމްތައް ޕްރޮޑިއުސްކޮށްފައިވާ ދިނޭޝް ވިޖަން އެވެ. މިއުޒިކް ހަދާފައިވަނީ ޕްރިތަމްއެވެ.މި ފިލްމުގެ މަންޒަރުތައް ނަގާފައި ވަނީ ބުދާޕެސްޓް، މޮރިޝަސްގެ އިތުރުން ޕަންޖާބުގަ އެވެ.

ސުޝާންތު އެންމެ ފަހުން ފެނިގެން ދިޔަ ފިލްމަކީ "އެމްއެސް ދޯނީ: ދި އަލްޓޯލްޑް ސްޓޯރީ" އެވެ. ކިރިތީ އެންމެ ފެނުނީ ޝާހްރުކް ހާނާއި ކާޖޮލްގެ "ދިލްވާލޭ" އިންނެވެ.