ހުޅުމާލޭ ދެވަނަ ފިޔަވަހީގައި ވަގުތީ މިސްކިތެއް އިމާރާތްކުރުމަށް ބަޔަކާ ހަވާލުކޮށްފި
80 ދުވަސް ތެރޭގައި ނިންމަން ޖެހޭ
ހުޅުމާލޭގެ ދެވަނަ ފިޔަވަހި
ހުޅުމާލޭ ދެވަނަ ފިޔަވަހީގައި ވަގުތީ މިސްކިތެއް އިމާރާތްކުރުމަށް ބަޔަކާ ހަވާލުކޮށްފިއެވެ.
އިސްލާމިކް މިނިސްޓްރީން ބުނީ ހުޅުމާލޭ ދެވަނަ ފިޔަވަހީގައި ވަގުތީ މިސްކިތެއް އިމާރާތްކުރުމަށް ޔެސް މޯލްޑިވްސް ޕްރައިވެޓް ލިމިޓެޑްއާ ހަވާލުކޮށްފައިވާ ކަމަށެވެ. 80 ދުވަސް ތެރޭގައި ނިންމުމަށް ހަމަޖެހިފައިވާ މި މިސްކިތަކީ 450 މީހުންގެ ޖާގައިގެ މިސްކިތެއްކަމަށް މިނިސްޓްރީން ބުނެއެވެ.
މި މިސްކިތް އިމާރާތް ކުރުމަށް ދައުލަތުގެ ބަޖެޓުން ޖުމްލަ 4.3 މިލިއަން ރުފިޔާ ޚަރަދު ކުރުމަށްވަނީ ނިންމާފައެވެ.
ހުޅުމާލޭ ދެވަނަ ފިޔަވަހީގައި މިހާރު ވަނީ މީހުން އާބާދުވާން ފަށާފައެވެ. އަދި އެ ސަރަހައްދަށް ބޭނުންވާ ވިޔަފާރިތަކާއި، އަދި އެނޫން ވެސް އަސާސީ ޚިދުމަތްތަކާއި ވަސީލަތްތައް ފޯރުކޮށްދިނުމުގެ މަސައްކަތް ހައުސިން ޑިވެލޮޕްމަންޓް ކޯޕަރޭޝަންގެ އިތުރުން އަމިއްލަ ފަރާތްތަކުން ދަނީ ކުރަމުންނެވެ. ހިޔާ މަޝްރޫއުގެ ފްލެޓްތަކުގައި ބައެއް މީހުން ދިރިއުޅެމުންދާއިރު، ބައެއް ޚިދުމަތްތައް ލިބެން ނެތުމުން އެކަމުގައި ދަތިތަކެއް ހުރި ކަމަށް ބައެއް މީހުން ބުނެއެވެ.
