އަންގާރަ ދުވަހު ވެކްސިންގެ ދެވަނަ ޑޯޒް ފުރިހަމަކުރީ 2،475 މީހުން
15 ސެޕްޓެމްބަރު 2021 | ބުދަ 17:51ދެވަނަ ޑޯޒް ޖެހި ޖުމްލަ މީހުންގެ އަދަދު ވަނީ 326،154ށް އަރާފައި
ކުޅުދުއްފުށީގައި ވެކްސިން ދިނުމުގެ ޕްރޮގްރާމް ފެށުން
އަންގާރަ ދުވަހު ދުވަހު 2,475 މީހުން ވެކްސިންގެ ދެވަނަ ޑޯޒް ފުރިހަމަ ކޮށްފިއެވެ.
ހެލްތް ޕްރޮޓެކްޝަން އެޖެންސީ (އެޗްޕީއޭ)އިން ބުނީ އަންގާރަ ދުވަހު މާލެ ސަރަހައްދުން 80 މީހުން ވެކްސިންގެ ފުރަތަމަ ޑޯޒް ފުރިހަމަކޮށްފައިވާ ކަމަށެވެ. އަދި އަތޮޅުތެރެއިން 184 މީހުން ފުރަތަމަ ޑޯޒް ފުރިހަމަކޮށްފައިވާއިރު ވެކްސިން ޖަހާފައިވަނީ ޖުމްލަ 264 މީހުންކަމަށެވެ. މީގެއިތުރުން ވެކްސިންގެ ދެވަނަ ޑޯޒް 1،355 މީހުން މާލެ ސަރަހައްދުން ފުރިހަމަކޮށްފައިވާއިރު އަތޮޅުތެރެއިން 1،120 މީހުން ވަނީ ދެވަނަ ޑޯޒް ފުރިހަމަކޮށްފައި ކަމަށެވެ.
ރާއްޖެއިން ވެކްސިންގެ ފުރަތަމަ ޑޯޒް ޖެހި މީހުންގެ ޖުމްލަ އަދަދު 389،821ށް އަރާފައިވާއިރު ދެވަނަ ޑޯޒް ޖެހި ޖުމްލަ މީހުންގެ އަދަދު ވަނީ 326،154ށް އަރާފައެވެ،
ވެކްސިން ނުޖަހާ މީހުން ވީހާވެސް އަވަހަކަށް ވެކްސިން ފުރިހަމަކުރުމަށް ސަރުކާރުން ގެންދަނީ ގޮވާލަމުންނެވެ. އެގޮތުން އާބާދީގެ ގިނަ ބަޔަކު ވެކްސިންޖަހައި ނިންމުމަށް ބާރު އެޅުމުގެ ގޮތުން ސަރުކާރުން މިހާރު ވެކްސިނޭޝަން ޕްރޮގްރާމެއް ވެސް ކުރިއަށްގެންދެއެވެ. މާލެ ސަރަހައްދުގައި އުމުރުން 18 އަހަރާއި 60 އަހަރާ ދެމެދުގެ މީހުންނަށް ސިނޮފާރމްއާއި އެސްޓްރާޒެނެކާ ވެކްސިން ޖަހަމުން އަންނައިރު، އުމުރުން 12 އަހަރާއި 17 އަހަރާ ދެމެދުގެ ކުދިންނަށާއި އެޗްޕީއޭއިން ކަނޑައަޅާފައިވާ ޚާއްސަ ކެޓަގަރީތަކުގެ މީހުންނަށް މިހާރު ވަނީ ފައިޒަރ ވެކްސިންދޭން ފަށާފައެވެ.
މި ފަހުން ރައީސް އޮފީހުން ބޭއްވި ނޫސްވެރިންގެ ބައްދަލުވުމެއްގައި ވާހަކަދައްކަވަމުން އެ އޮފީހުގެ ތަރުޖަމާނު މަބްރޫކް ޢަޒީޒް ވިދާޅުވީ ވެކްސިން ޖެހޭ އާބާދީގެ ތެރެއިން 18 އަހަރުން މަތީގެ 30 ހާސް މީހުން ވެކްސިން ނުޖަހާ އެބަތިބި ކަމަށެވެ. ވެކްސިން ނުޖަހާ މީހުން ހޯދުމުގެ މަސައްކަތް މިހާރު ކުރަމުންދާކަމަށް މަބްރޫކް ވިދާޅުވިއެވެ.
