ޕްލާސްޓިކް ސަރޖަރީގެ އިޝްތިހާރުތަކާ ދެކޮޅަށް ޗައިނާ ޑެއިލީއިން ތެދުވެއްޖެ
މި ސަރޖަރީގެ ސަބަބުން ސިއްހަތަށް ގެއްލުންތަކެއް ލިބޭކަމަށް ދިރާސާތަކުން ދައްކާ
ޗައިނާ މީހަކު ޕްލާސްޓިކް ސަރޖަރީ ކުރަން ތައްޔާރުވެފައި ވަނިކޮށް
ޕްލާސްޓިކް ސަރޖަރީގެ އިޝްތިހާރުތަކާ ދެކޮޅަށް ޗައިނާގެ ޕީޕަލްސް ޑެއިލީއިން ތެދުވެއްޖެއެވެ.
އެ ނޫހުން ބުނީ ޕްލާސްޓިކް ސަރޖަރީގެ އިޝްތިހާރުތަކުގައި ދޮގު ޚަބަރު ފަތުރާކަމަށާއި، އޭގެ ސަބަބުން މުޖުތަމައަށް އޭގެ ނޭދެވޭ އަސަރުކުރާ ކަމަށް ގަބޫލުކުރާ ކަމަށެވެ.
ޕީޕަލްސް ޑެއިލީން މިހެން ބުނިއިރު، ޗައިނާގެ މައި މީޑިއާއިން އަންނަނީ ޕްލާސްޓިކް ސަރޖަރީ ޕްރޮމޯޓްކުރުމަށް ގިނަ އިޝްތިހާރުތަކެއް ހަދަމުންނެވެ.
ޕީޕަލްސް ޑެއިލީން ބުނީ ޕްލާސްޓިކް ސަރޖަރީ އިޝްތިހާރުތައް ދައްކާ އެއީ ކޮލެޓީ ސަރޖަރީއެއް ކަމަށް ދައްކަން މަސައްކަތް ކުރުން އެއީ "މޮޔަ" ކަމެއް ކަމަށެވެ. އަދި މި ސާޖަރީގެ ސަބަބުން ސިއްހަތަށް ގެއްލުންތަކެއް ލިބޭކަމަށް ދިރާސާތަކުން ދައްކާ ކަމަށްވެސް ބުންޏެވެ.
ޗައިނާގައި ޕްލާސްޓިކް ސަރޖަރީ ހަދާ މީހުންގެ އަދަދު ދުވަހެއް ދުވަހަކަށް އިތުރުވަމުން އަންނަ ކަމަށް ރިޕޯޓްތައް ބުނެއެވެ. އެގޮތުން އަންނަ އަހަރު ޕްލާސްޓިކް ސަރޖަރީ ކޮށްގެން 300 ބިލިއަން ޔުއާން އެގައުމުގެ ކްލިނިކްތަކުން ހޯދާނެ ކަމަށް ބެލެވެއެވެ.
