އެމްޑީޕީގެ އިސްތިއުނާފް ފަނޑިޔާރުންގެ މަޖިލީހަށް ހޮވުނު މެމްބަރުން އިއުލާންކޮށްފި

އެމްޑީޕިގެ އިސްތިއުނާފް ފަނޑިޔާރުންގެ މަޖިލީހަށް ހޮވުނު މެމްބަރުން އިއުލާންކޮށްފިއެވެެ.

ހޯމަދުވަހުގެ ރޭ ކުރިއަށްގެންދިޔަ އެމްޑީޕީގެ ގައުމީ މަޖިލީހުގެ 185 ވަނަ ޖަލްސާގައި އޮތީ، އިސްތިއުނާފް ފަނޑިޔާރުންގެ މަޖިލިސް ހޮވުމަށް ވޯޓު ދިނުމެވެ. އިސްތިއުނާފް ފަނޑިޔާރުންގެ މަޖިލީހަށް ކުރިމަތިލެއްވީ 18 ބޭފުޅުންނެވެ. އެހެންނަމަވެސް އިސްތިއުނާފް ފަނޑިޔާރުންގެ މަޖިލީހަށް ހޮވަނީ 9 މެމްބަރުންނެވެ. އެގޮތުން އެންމެ ގިނަ ވޯޓު ލިބިގެން މަޖިލީހަށް ހޮވުނީ، އަހްމަދު ރިޝްވާން، ފާތިމަތު އިނާޝާ، ހުސައިން ރަޝީދު، އިބްރާހީމް މުހައްމަދު ދީދީ، އަހްމަދު މައުރޫފް، ނައުޝާދު އަބްދުލް އަޒީޒް، އަހްމަދު ނިޝާދު، އާދަމް މާހިރު އަދި އަނަޝް އަބްދުއްސައްތާރު އެވެ.

އިސްތިއުނާފް ފަނޑިޔާރުންގެ މަޖިލީހަށް ހޮވާފައިވަނީ އެންމެ ގިނަ ވޯޓު ލިބުނު 9 މެމްބަރުންނެވެ.

ވޯޓުގެ ނަތީޖާ އިއުލާން ކުރައްވަމުން ޕާޓީގެ ޗެއަރޕާސަން ހަަސަން ލަތީފް ވިދާޅުވީ، ވޯޓުލާފައިވަނީ 120 މެމްްބަރުން ކަމަށެވެ. ބާތިލް ވޯޓުގެ ގޮތުގައި 4 ވޯޓު އޮތްއިރު ޖުމްލަ ވޯޓުގެ އަދަދަކީ 1039ކެވެ. ހޯމަ ދުވަހުގެރޭ ކުރިއަށްގެންދިޔަ ގައުމީ މަޖިލީހުގެ ޖަލްސާގައި އެޖެންޑާ ކޮށްފައި އޮތީ، ހަމައެކަނި އިސްތިއުނާފް ފަނޑިޔާރުންގެ މަޖިލިސް ހޮވުމަށް ނަގާ ވޯޓެވެ.