ހައްދުންމަތީ ގަމު ބަނދަރު ހެދުމުގެ މަޝްރޫއު އެމްޓީސީސީއަށް
25 އޯގަސްޓު 2021 | ބުދަ 13:44މި މަޝްރޫއަށް 24.7 މިލިއަން ރުފިޔާ ޚަރަދު ކުރާނެ
އެއްބަސްވުމުގައި ސޮއިކުރި ރަސްމިއްޔާތުގެ ތެރެއިން
ޑިޒައިން އެންޑް ބިލްޑް އުސޫލުން ހައްދުންމަތީ ގަމުގެ ބަނދަރު ހެދުމުގެ މަސައްކަތް މޯލްޑިވްސް ޓްރާންސްޕޯރޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ)އާ ހަވާލުކޮށްފިއެވެ.
ބުދަ ދުވަހު ޕްލޭނިން މިނިސްޓްރީގައި ބޭއްވި ރަސްމިއްޔާތެއްގައި މިކަމުގެ އެއްބަސްވުމުގައި ވަނީ ސޮއިކޮށްފައެވެ. އެމްޓީސީސީގެ ފަރާތުން ސޮއިކުރެއްވީ ސީއީއޯ އާދަމް އާޒިމެވެ. މިނިސްޓްރީގެ ފަރާތުން ސޮއިކުރެއްވީ އެ މިނިސްޓްރީގެ ޑިރެކްޓަރ ޖެނެރަލް ފާތުމަތު ޝާނާއެވެ.
ޖުމްލަ 24.7 މިލިއަން ރުފިޔާ ޚަރަދުކޮށްގެން ކުރިއަށް ގެންދާ މި މަޝްރޫއު 365 ދުވަހުގެ ތެރޭގައި ނިންމަންޖެހެއެވެ.
މި މަޝްރޫއުގެ ދަށުން 25,791.00 ކިއުބިކް މީޓަރުގެ ސަރަހައްދެއް ފުން ކުރުމާއި ބަނދަރަށް ވަންނަ ނެރު ހެދުމަށް 4,317.00 ކިއުބިކް މީޓަރު ފުން ކުރުމާއި، 310 މީޓަރު އެއްގަމު ތޮށި ޖެހުމާއި، 360 މީޓަރު ސޭންޑް-ފިލް ބްރޭކް ވޯޓަރ ޖެހުން އަދި 128 މީޓަރ ބޮޑުހިލައިގެ ބޭރުތޮށްޓެއް ލުމާއި 17 މީޓަރ ސަބްމާރޖް ބްރޭކްވޯޓަރ 62 މޫރިން ރިންގު ހަރުކުރުން ހިމެނެވެ.
މީގެ އިތުރުން 20 މޫރިން ބޮއި ހަރުކުރުމާއި، އެއްގަމުތޮށިން ބޭރުތޮށްޓަށް އެރުމަށް ބުރިޖެއް އެޅުމުގެ އިތުރުން 1550.00 އަކަމީޓަރު ޕޭވްމަންޓް ހެދުމާއި 24 މަގު ބައްތި ހަރުކުރުންވެސް ހިމެނެއެވެ.
