ސަޅި ޕްރިޕެއިޑްގެ ވީކްލީ ޕްލޭންސްއަށް ދެގުނަ އެލަވަންސް

ދިރާގުގެ "ސަޅި ޕްރިޕެއިޑް" ޕްލޭންގެ ވީކްލީ ޕްލޭންތައް އެކްޓިވޭޓްކުރުމުން ދެގުނައަށް އެލަވަންސް ލިބިގެންދާނެ ކަމަށް އެކުންފުނިން ބުނެފިއެވެ.

ރާއްޖެޓީވީއާ ވާހަކަދައްކަވަމުން ދިރާގުގެ މެނޭޖަރ ކޮންސިއުމަރ ޕްރީޕެއިޑް އައިޝަތު އިޝާނާ ވަނީ ސަޅި ޕްރިޕެއިޑް ޕްލޭން ލޯންޗުކޮށް، މި ޕްލޭނަކީ ކަސްޓަމަރުން ގަޔާވާނެ ޕްލޭނަކަށް ހެދުމަށް ދިރާގުން ހާއްސަ ޕްރޮމޯޝަނެއް ކުރިއަށް ގެންދާކަމަށް ވިދާޅުވެފައެވެ. އެގޮތުން ވީކްލީ އަދި ޓޫ ވީކްސްގެ ޕްލޭން އެކްޓިވޭޓް ކުރުމުން 12 ސެޕްޓެމްބަރުގެ ނިޔަލަށް ކަސްޓަމަރުންނަށް ޑަބަލް ޑޭޓާ ލިބިގެންދާނެ ކަމަށް އިޝާނާ ވިދާޅުވިއެވެ.

އިޝާނާ އިތުރަށް ވިދާޅުވީ މި ސަޅި ޕެކޭޖަކީ ޑިމާންޑު ރަނގަޅު ޕެކޭޖެއް ކަމަށާއި މިހާރުގެ މާކެޓް ޓްރެންޑަށް ބަލާއިރު ކަސްޓަމަރުން އެންމެ ބޭނުންވެފައިވާ ޕްލޭނެއް ކަމަށެވެ. އަދި ކުރިއަށް އޮތްތާގައި ވެސް ކަސްޓަމަރުން އެންމެ ބޭނުންވާ ފަދަ ޕްލޭންތަކެއް ތައާރަފުކޮށް ޚިދުމަތް ފޯރުކޮށްދިނުމަށް ދިރާގުން މަސައްކަތްކުރާނެ ކަމަށް އިޝާނާ ވިދާޅުވިއެވެ.

ސަޅި ޕްރިޕެއިޑް ޕްލޭންތަކުން އެއް ފަހަރު އެކްޓިވޭޓްކޮށްލައިގެން 1 ހަފުތާ، 2 ހަފުތާ, ނުވަތަ އެއް މަސްދުވަހަށް ކޮންމެ ދުވަހަކު 1 ޖީބީ ޑޭޓާ އައުވެގެން ދާނެއެވެ. 145 ރުފިޔާއިން ފެށިގެން "ސަޅި ޕްރިޕެއިޑް"ގެ ޕްލޭންތައް ފެށޭ އިރު، މީގެ ކޮންމެ ޕްލޭނަކުން ދުވާލަކު ލިބޭ 1 ޖީބީ ޑޭޓާ އެލަވަންސްގެ އިތުރުން ހިލޭ ސޯޝަލް މީޑިއާ ޑޭޓާ އަދި އަންލިމިޓެޑް ކޯލްސް ލިބިގެންދާ އިރު މިއީ އެންމެ އެކްޓިވޭޝަނަކުން އެންމެ ގިނަ ޑޭޓާ ފޯރުކޮށްދޭ ޕްރީޕެއިޑް ޕްލޭނެވެ.

ސަޅި ޕްރިޕެއިޑް ޕްލޭންތައް އެ ކުންފުނީގެ މޮބައިލް އެޕްލިކޭޝަން މެދުވެރިކޮށް، ޕްރިޕެއިޑް ކަސްޓަމަރުންނަށް އެކްޓިވޭޓް ކުރެވޭނެއެވެ.