ހޮނިހިރު ދުވަހު ރިޕޯޓްކުރީ އަތޮޅު ތެރެއިން 78 ކޭސް، މާލެއިން 23 ކޭސް
1 އޯގަސްޓު 2021 | އާދީއްތަ 17:57ރިސޯޓްތަކުން 12 މީހަކު ޕޮޒިޓިވްވެފައިވޭ
ރެންޑަމް ސާމްޕަލް ނެގުމުގެ ތެރެއިން
އިތުރު 115 މީހަކު ކޮވިޑަށް ޕޮޒިޓިވްވެފައިވާ ކަމަށް ހެލްތު ޕްރޮޓެކްޝަން އެޖެންސީ (އެޗްޕީއޭ)އިން ބުނެފިއެވެ.
ހޮނިހިރު ދުވަހުގެ ހަވީރު 6:00ން އާދީއްތަ ދުވަހުގެ ހަވީރު 6:00އާ ހަމައަށް ނެގުނު 5573 ސާމްޕަލްގެ ތެރެއިން 123 މީހުން ޕޮޒިޓިވްވި އިރު، މީގެ ތެރެއިން މާލެ ސަރަހައްދުން ނަގާފައިވަނީ 2018 ސާމްޕަލެވެ. އަދި މާލެ ސަރަހައްދުން ޕޮޒިޓިވްވީ 23 މީހުންނެވެ. ރިސޯޓްތަކާއި އަތޮޅު ތެރޭގެ އެކި ރަށްތައް ހިމެނޭ ގޮތަށް ނެގި 3555 ސާމްޕަލްގެ ތެރެއިން ޕޮޒިޓިވްވެފައިވަނީ 92 މީހުންނެވެ. އެއީ މީހުން ދިރިއުޅޭ ރަށްރަށުން ޕޮޒިޓިވްވި 78 މީހުންނާއި, ރިސޯޓްތަކުން ޕޮޒިޓިވްވީ 12 މީހުންނާއި, އަދި ސަފާރީތަކުން ޕޮޒިޓިވްވި 2 މީހުންނެވެ.
ހޮނިހިރު ދުވަހުގެ އަދަދުތަކާއެކު ރާއްޖެއިން މިހާތަނަށް 77،547 މީހުން ވަނީ ޕޮޒިޓިވްވެފައެވެ. އަދި މީގެ ތެރެއިން 74،758 މީހުން ވަނީ ބަލިން ރަނގަޅުވެފައެވެ. ހޮނިހިރު ދުވަހު 160 މީހުން ބަލިން ރަނގަޅުވެފައިވެއެވެ.
އެކްޓިވް ކޭސްގެ ގޮތުގައި 2556 ކޭސް ރިޕޯޓްކޮށްފައިވާ އިރު، މީގެ ތެރެއިން 20 މީހަކަށް ދަނީ ފެސިލިޓީތަކުގައި އަދި ހޮސްޕިޓަލުގައި ފަރުވާ ދެމުންނެވެ. އެޗްޕީއޭގެ އެންމެ ފަހުގެ ތަފާސް ހިސާބުތައް ދައްކާ ގޮތުން ހުޅުމާލެ މެޑިކަލް ފެސިލިޓީގައި މިވަގުތު ފަރުވާ ހޯދަމުންދާ އެއްވެސް މީހަކު ނެތެވެ. ނަމަވެސް ދަރުމަވަންތަ ހޮސްޕިޓަލުގައި 2 މީހުންނަށް ދަނީ ފަރުވާ ދެމުންނެވެ.
