ބީއެމްއެލްގެ ބޯޑަށް އައު މެންބަރުން ހޮވައި ޗެއަރޕާސަނެއް ކަނޑައަޅައިފި
ސަރުކާރުގެ ފަރާތުން ބޯޑަށް އައްޔަނުކޮށްފައި ވަނީ 7 މެމްބަރުން
ބީއެމްއެލް ހެޑް އޮފީސް
ބޭންކް އޮފް މޯލްޑިވްސް (ބީއެމްއެލް)ގެ ބޯޑަށް އައު މެންބަރުން ހޮވައި ޗެއަރޕާސަނެއް ކަނޑައަޅައިފިއެވެ.
ބީއެމްއެލްގެ 38 ވަނަ އަހަރީ އާންމު ޖަލްސާގައި ޑިރެކްޓަރުންގެ ބޯޑަށް މެމްބަރުން އައްޔަނުކޮށްފައިވާއިރު، ޖަލްސާއަށް ފަހު ބޭއްވުނު ބޭންކުގެ ޑިރެކްޓަރުންގެ ބޯޑުގެ ބައްދަލުވުމުގައި އެ ކުންފުނީގެ ޑިރެކްޓަރުންގެ ބޯޑުގެ ޗެއަރޕާސަންގެ ގޮތުގައި އަލްފާޟިލް ޔޫޝަޢު ސަޢީދު، ހ. ސޭންޑީ ބީޗް ވަނީ ހަމަޖައްސާފާއެވެ.
ސަރުކާރުގެ ފަރާތުން ހުށަހަޅުއްވައި އަހަރީ އާންމު ޖަލްސާގައި ބޯޑަށް އައްޔަން ކުރެވުނު ޑިރެކްޓަރުންނަކީ:
އާންމު ހިއްސާދާރުންގެ ފަރާތުން އިންތިޚާބު ކުރެއްވި 2 ޑިރެކްޓަރުންނަކީ:
ބީއެމްއެލްގެ 2020 ވަނަ އަހަރުގެ އަހަރީ އާންމު ޖަލްސާ ޖުލައި 15 ވަނަ ދުވަހު އޮންލައިންކޮށް ކުރިއަށް ގެންގޮސްފައިވާ އިރު، އެ ޖަލްސާގައި ވަނީ 2020 ވަނަ އަހަރުގެ ހިއްސާގެ ފައިދާގެ ގޮތުގައި ހިއްސާއަކަށް 15 ރުފިޔާގެ މަގުން ޖުމްލަ 80,728,800 (އައްޑިހަ މިލިއަން ހަތްސަތޭކަ އަށާވީސްހާސް އަށްސަތޭކަ) ރުފިޔާ ހިއްސާދާރުންނަށް ބެހުމަށް ފާސްކޮށްފައެވެ. އަދި އެ ޖަލްސާގައި ވާހަކަދައްކަވަމުން ކުންފުނީގެ ސީއީއޯ ޓިމް ސޯޔަރ ވަނީ ހޮނިހިރު ދުވަހުން ފެށިގެން ކްރެޑިޓް ކާޑުން ރާއްޖޭން ބޭރުގެ މުއާމަލާތް ކުރެވޭ އަދަދު އިތުރުކުރަން ނިންމާފައިވާ ކަމަށް ވިދާޅުވެފައެވެ.
