އިންޑިއާގެ ފުރަތަމަ ކޮވިޑް ޕޭޝަންޓް އަނެއްކާވެސް ޕޮޒިޓިވް
15 ޖުލައި 2021 | ބުރާސްފަތި 18:29ފުރަތަމަ ޕޮޒިޓިވްވީ ވޫހާން ސިޓީގައި ހުއްޓާ
ކޮވިޑް19އިން ދިފާއުވުމަށް ޖަހާ ވެކްސިނެއް ދައްކާލަނީ
އިންޑިއާއިން އެންމެ ފުރަތަމަ ކޮވިޑް ޖެހުނު މީހާ ދެ ވަނަ ފަހަރަށް ޕޮޒިޓިވްވެއްޖެއެވެ.
އިންޑިއާގެ އެންމެ ފުރަތަމަ ކޮވިޑް ޖެހުނީ ބަލި ފުރަތަމަ ފެނުނު ވޫހާން ސިޓީގައި ކިޔަވަންހުރި 21 އަހަރުގެ އަންހެނަކަށެވެ.
ދެވަނަ ފަހަރަށް ބައްޔަށް ޕޮޒިޓިވްވި އިރު އޭނާގެ ފަރާތުން ބަލީގެ އަލާމާތެއް ނުފެނެއެވެ. އޭނާ މިހާރު ހުރީ ގޭގައި އެކަހެރިވެގެންނެވެ. އޭނާ ދެވަނަ ފަހަރަށް ބައްޔަށް ޕޮޒިޓިވްވިކަން އެނގުނީ، އިންޑިއާގެ ނިއު ދިއްލީއަށް ދިޔުމުގެ ކުރިން ހެދި ޕީސީއާރް ޓެސްޓުންނެވެ.
އޭނާ އިންޑިއާއަށް ދިޔައީ ވޫހާން ސިޓީގައި ބަލި ފެތުރެން ފެށުމުންނެވެ.
އިންޑިއާގެ ހާލަތު އަނެއްކާވެސް މިވަނީ ދަށަށްދާން ފަށާފައެވެ. މިހާތަނަށް އިންޑިއާގައި ބަލި ޖެހުނު މީހުންގެ އަދަދު މިވަނީ 31 މިލިއަނަށް އަރާފައެވެ. ބަލީގެ ހާލަތު އެންމެ ގޯސްވީ އޭޕްރީލް މަހުގެ ތެރޭގައެވެ. އޭރު ދުވާލެއްގެ މައްޗަށް ރިޕޯޓުކުރާ ކޭސްތަކުގެ އަދަދު ހުރީ ހަތަރު ލައްކައިން މަތީގައެވެ.
