ކޮވިޑުގެ ތެރޭގައި ވެސް ފަސްމިލިއަނަށްވުރެ ގިނަ މީހުން މިލިއަނަރުންނަށް!

ކޮވިޑް 19 އާލަމީވާބާގެ ސަބަބުން ގިނަ ބަޔަކު ފަގީރުވަމުން ދިޔަ ނަމަވެސް، ދުނިޔޭގެ މިލިއަނަރުންގެ އަދަދު މިލިއަނުން އިތުރުވެއްޖެއެވެ.

ފާއިތުވި 2020 ވަނަ އަހަރު ދުނިޔޭގެ އެކިކަންކޮޅުތަކަށް ފެތުރުނު ކޮވިޑް 19 ބަލިމަޑުކަމުގެ ސަބަބުން މުޅި ދުނިޔޭގެ އިގުތިސާދަށް ވަނީ އަސަރުކޮށްފައެވެ. އެއާއެކުވެސް ފަސްމިލިއަނަށްވުރެ ގިނަ މީހުން ވަނީ މިދިޔައަހަރު މިލިއަނަރުންނަށް ވެފައެވެ.

ކްރެޑިޓް ސުއިސްގެ ދިރާސާއިން ދައްކާ ގޮތުން އިތުރު 5.2 މިލިއަން މީހުން މިލިއަނަރުންނަށްވެ، ދުނިޔޭގެ މިލިއަނަރުންގެ ޖުމްލަ އަދަދުވަނީ 56.1 މިލިއަނަށް އަރާފައެވެ. އެއާއެކު 2020 ވަނަ އަހަރު ވެފައިވަނީ ފުރަތަމަ ފަހަރަށް މުޅި ދުނިޔޭގެ ބޮޑެތިމީހުންގެ އެއް އިންސައްތަ މިލިއަނަރުންގެ ގޮތުގައި ހިމެނުނު އަހަރު ކަމުގައެވެ.

މިހާ ގިނަ އަދަދެއްގެ ބަޔަކު މިލިއަނަރުންނަށް ވެފައި ވަނީ ސްޓޮކް މާކެޓް ރަނގަޅުވަމުން އައުމާއި، ގެދޮރުގެ އަގު އުފުލެމުން ދިޔުމުންނެވެ.

ގްލޯބަލް ވެލްތު ރިޕޯޓު ބުނާގޮތުން، މިދިޔަ އަހަރު ދުނިޔޭގެ މުއްސަނދިކަން 7.4 އިންސައްތަ ވަނީ އިތުރުވެފައެވެ.

މިލްކިއްޔާތުގައި 10،000 ޑޮލަރާއި 100،000 ޑޮލަރާ ދެމެދުގެ ފައިސާ ހުރި މީހުންގެ އަދަދު 21 ވަނަ ގަރުނުގެ ކުރީކޮޅު ހުރިވަރަށްވުރެ ތިންގުނަ މިހާރު ވަނީ އތުރުވެފައެވެ. އެގޮތުން 2000 ވަނަ އަހަރު މި ކެޓަގަރީގައި ތިބީ 507 މީހުންނެވެ. އެކަމަކު 2020 ވަނަ އަހަރުގެ މެދާހަމައަށް އައިއިރު މި އަދަދު ވަނީ 1.7 ބިލިއަނަށް އިތުރުވެފައެވެ.