ދެކުނު އެމެރިކާގެ އެންމެ ޝަރަފުވެރި ފުޓްބޯޅަ މުބާރާތް ކަމަށްވާ ކޮޕާ އެމެރިކާގައި ކުޅުނު ދެވަނަ މެޗުން ޕެރޫ އަތުން އެންމެ ފަހުގެ ޗެމްޕިއަން ބްރެޒިލް ފަސޭހަކަމާއެކު މޮޅުވެއްޖެއެވެ.

އަމިއްލަ ގައުމުގައި ކުރިއަށްދާ މި މުބާރާތުގައި ހުކުރު ދުވަހުގެ ފަތިހު ކުޅުނު މެޗުން ބްރެޒިލް މޮޅުވީ 4-0 ގެ ނަތީޖާއަކުންނެވެ.

މި މެޗުގައި ބްރެޒިލުން ލީޑު ނަގާފައިވަނީ މެޗު ފަށައިގެން 12 ވަނަ މިނެޓުގައެވެ. މި ލަނޑު އެ ގައުމަށް ކާމިޔާބުކޮށްދިނީ އަލެކްސް ސަންޑްރޯއެވެ. އޭގެ ފަހުން ފުރަތަމަ ހާފުގައި ލަނޑެއް ފެނިފައިނުވާއިރު، ބްރެޒިލުން ލީޑު ފުޅާކޮށްފައިވަނީ މެޗުގެ 68 ވަނަ މިނެޓުގައެވެ. މި ލަނޑު އެ ގައުމަށް ކާމިޔާބުކޮށްދިނީ ނޭމާއެވެ.

އަދި މެޗު ނިމެން މިނެޓަކަށް ވެފައި ވަނިކޮށް އެވަޓަން ރިބޭރޯ ވަނީ ބްރެޒިލުގެ ތިންވަނަ ލަނޑު ޖަހާފައެވެ. ދެން މި މެޗުގައި ބްރެޒިލުން ޖެހި ހަތަރުވަނަ މެޗުގެ އިތުރު ވަގުތުގައި ކާމިޔާބުކޮށްދިނީ ރިޗާލިސަންއެވެ.

މި މެޗުން ބްރެޒިލް މޮޅުވިއިރު، މުބާރާތުގައި ކުޅުނު ފުރަތަމަ މެޗުން ބްރެޒިލް ވަނީ ވެނެޒުއޭލާ އަތުން 3-0 ގެ ނަތީޖާއަކުން މޮޅުވެފައެވެ. އެއާއެކު ގްރޫޕް ބީގެ އެއްވަަނައިގައި ބްރެޒިލް އޮތީ ކުޅުނު ދެ މެޗުން މޮޅުވެ ހަ ޕޮއިިންޓާއެކުއެވެ.