އަންގާރަ ދުުވަހު މެންދުރު ނުވަނީސް ކޮވިޑްގެ ހަތަރު މަރު
1 ޖޫން 2021 | އަންގާރަ 07:21ހޯމަ ދުވަހު ވެސް މި ބަލީގައި ތިން މީހަކު ވަނީ ނިޔާވެފައި
ނިޔާވި ހަތަރު މީހުންގެ ތެރެއިން ތިން މީހުންނަކީ ހުޅުމާލެ މެޑިކަލް ފެސިލިޓީގައި ފަތުވާ ހޯދަމުން ދިޔަ ތިން މީހުން
އަންގާރަ ދުވަހު މެންދުރުވުމުގެ ކުރިިން ރާއްޖެއިން ކޮވިޑްގައި ހަތަރު މީހަކު ނިޔާވެގެން ރިޕޯޓުކޮށްފިއެވެ.
ހެލްތް ޕްރޮޓެކްޝަން އޭޖެންސީ (އެޗްޕީއޭ)ން ބުނީ ހޯޯމަ ދުވަހުގެ މެންދަމު 03:41 ހާއިރު ހުޅުމާލެ މެޑިކަލް ފެސިލިޓީގައި ފަރުވާ ހޯދަމުންދިޔަ އުމުރުން 70 އަހަރުގެ ދިވެހި ފިރިހެނެއް ނިޔާވެފައިވާ ކަމަށެވެ. މިއީ މިބަލީގައި ރާއްޖެއިން ނިޔާވި 162 ވަނަ މީހާއެވެ.
ދެވަނައަށް ނިޔާވެގެން ރިޕޯޓުކޮށްފައި ވަނީ ބ. އަތޮޅުގެ ކޮވިޑް މެނޭޖްމަންޓް ފެސިލިޓީގައި ފަރުވާ ހޯދަމުންދިޔަ އުމުރުން 87 އަހަރުގެ ދިވެހި ފިރިހެނެކެވެ. އޭނާ ނިޔާވެފައިވަނީ އަންގާރަ ދުވަހުގެ ފަތިހު 04:40ގައި ކަމަށް އެޗްޕީއޭއިން ބުނެއެވެ. މިއީ ރާއްޖެއިން ކޮވިޑް ޖެހިގެން ނިޔާވި 163 ވަނަ މީހާއެވެ.
އެޗްޕީއޭއިން ބުނީ ހުޅުމާލޭ މެޑިކަލް ފެސިލިޓީގައި ފަރުވާ ހޯދަމުން ދިޔަ އިތުރު ދެ މީހަކު އަންގާރަ ދުވަހު ނިޔާވެފައިވާ ކަމަށެވެ. އެގޮތުން އަންގާރަ ދުވަހުގެ ފަތިހު 05:46 ގައި އެ ފެސިލިޓީގައި ފަރުވާ ހޯދަމުންދިޔަ އުމުރުން 50 އަހަރުގެ ދިވެހި ފިރިހެނެއް ނިޔާވެފައިވާ ކަމަށާއި މިއީ މިބަލީގައި ރާއްޖެއިން ނިޔާވި 164 ވަނަ މީހާ ކަމަށް އެޗްޕީއޭއިން ބުނެއެވެ.
އަދި ހަމަ އެ ފެސިލީޓީގައި ފަރުވާ ހޯދަމުންދިޔަ އުމުރުން 59 އަހަރުގެ ދިވެހި އަންހެނެއް ނިޔާވެފައިވާ ކަމަށާއި އޭނާ ނިޔާވެފައިވަނީ އަންގާރަ ދުވަހުގެ ހެނދުނު 06:14 ހާއިރު ކަމަށް އެޗްޕީއޭއިން ބުނެއެވެ. މިއީ ރާއްޖެއިން ކޮވިޑް ޖެހިގެން ނިޔާވި 165 ވަނަ މީހާއެވެ.
ރާއްޖޭގައި ކޮވިޑް-19 ހަލުވިކަމާއެކު ފެތުރެމުން އަންނައިރު ކޮވިޑްގައި ނިޔާވާ މީހުންގެ އަދަދު ވެސް ދަނީ އިތުރުވަމުންނެވެ. ހޯމަ ދުވަހު ވެސް މި ބަލީގައި ތިން މީހަކު ވަނީ ނިޔާވެފައެވެ.
