ބުރާސްފަތި ދުވަހު އިތުރު 959 މީހުން ވެކްސިންގެ ދެ ޑޯޒް ފުރިހަމަކޮށްފި
މިހާރު ވެކްސިނުގެ ފުރަތަމަ ޑޯޒް ޖެހި މީހުންގެ އަދަދު ވަނީ 308،423ށް އަރާފައި
ވެކްސިން ޖެހުމުގެ ގައުމީ ކެމްޕޭންގެ ތެރެއިން ޓްރީ ޓޮޕް ހޮސްޕިޓަލުގައި ވެކްސިން ދިނުމުގެ މަސައްކަތް ކުރިއަށް ދަނީ
ބުރާސްފަތި ދުވަހު އިތުރު 959 މީހަކު ވެކްސިންގެ ދެ ޑޯޒް ފުރިހަމަކޮށްފިއެވެ.
ހެލްތް ޕްރޮޓެކްޝަން އޭޖެންސީ (އެޗްޕީއޭ)ން ބުނީ ބުރާސްފަތި ދުވަހު 496 މީހުން ވެކްސިނުގެ ފުރަތަމަ ޑޯޒް ޖަހާފައިވާ ކަމަށެވެ. އެއީ މާލެ ސަރަހައްދުން ވެކްސިންޖެހި 110 މީހުންނާއި އަތޮޅު ތެރެއިން ވެކްސިން ޖެހި 386 މީހުންނެވެ. މިއާއެކު ވެކްސިންގެ ފުރަތަމަ ޑޯޒް ޖެހި މީހުންގެ އަދަދު ވަނީ 308،423ށް އަރާފައެވެ.
ވެކްސިންގެ ދެވަނަ ޑޯޒް ޖަހާފައިވާ 959 މީހުންގެ ތެރެއިން މާލެ ސަރަހައްދުން ވެކްސިން ޖެހީ 175 މީހުންނެވެ. އަދި އަތޮޅު ތެރެއިން 784 މީހުން ވެކްސިން ގެ ދެ ޑޯޒް ފުރިހަމަ ކޮށްފައިވެއެވެ. މިއާއެކު ވެކްސިންގެ ދެ ޑޯޒް ފުރިހަމަ ކުރި މީހުންގެ އަދަދު ވަނީ 162،413ށް އަރާފައެވެ.
26 މެއި ވާ ބުދަ ދުވަހުން ފެށިގެން މާލެ ސަރަހައްދުގައި އެޅި ޚާއްސަ ފިޔަވަޅު ތަކާއެކު މިވަނީ ފުރަބަންދު ކޮށްފައެވެ. އެހެންކަމުން ވެކްސިން ޖަހަންދާން ވެސް ހުއްދަ ހޯދުމަށް އެޗްޕީއޭއިންވަނީ އެދިފައެވެ. މާލެ ސަރަހައްދުގައި މިހާރު އާއްމުކޮށް ހުޅުވާލައިގެން ޖަހަނީ ސިނޮފާރމް ވެކްސިނެވެ. މާލެ ސަރަހައްދުގައި ވެކްސިން ޖަހަނީ ހެނދުނު 9:00 ފެށިގެން 11:00ށް ނޭޝަނަލް އާރޓް ގެލަރީ، ވިލިމާލެ ޔޫތް ސެންޓަރ އަދި ޓްރީ ޓޮޕްގައެވެ.
