ކ. މާލެ
|
28 މެއި 2021 | ހުކުރު 06:57
ބީއެމްއެލް އިން ޖޫން ތިން ވަނަ ދުވަހު ކާޑް ސިސްޓަމް އަޕްގްރޭޑް ކުރުމުގެ މަސައްކަތް ކުރަން ވަނީ ނިންމާފައި
ބީއެމްއެލް އިން ޖޫން ތިން ވަނަ ދުވަހު ކާޑް ސިސްޓަމް އަޕްގްރޭޑް ކުރުމުގެ މަސައްކަތް ކުރަން ވަނީ ނިންމާފައި
ބީއެމްއެލް
ބީއެމްއެލް ކާޑު ސިސްޓަމް އަޕްގްރޭޑް ކުރުން
އަންނަ ހަފްތާ ބީއެމްއެލް ކާޑު ސިސްޓަމް އަޕްގްރޭޑް ކުރަނީ
 
އޭޓީއެމް، ޕީއޯއެސް، އެމްޕޮސް، މާޗަންޓް ޕޯޓަލް، ޕޭމަންޓް ގޭޓްވޭގެ އިތުރުން މޮބައިލް ޕޭ ގެ ހިދުމަތް ވަގުތީ ގޮތުން މެދުކެނޑޭނެ
 
އެ ވަގުތުގައި އިންޓަނެޓް ބޭންކިންގ އަދި މޮބައިލް ބޭންކިންގެ ހިދުމަތް ލިބޭނެ
 
މަސައްކަތް ކުރުމަށް ހަމަޖެހިފައިވަނީ ޖޫން ތިން ވަނަ ދުވަހުގެ ރޭ 10:00ން ހަތަރު ވަނަ ދުވަހުގެ ހެނދުނު 9:00ށް

އަންނަ ހަފްތާ ބޭންކް އޮފް މޯލްޑިވްސްގެ ކާޑް ސިސްޓަމް އަޕްގްރޭޑް ކުރުމުގެ މަސައްކަތް ކުރިއަށް ގެންދާނެ ކަމަށް އެކުންފުނިން ބުނެފިއެވެ.

ބީއެމްއެލް އިން ބުނީ ކާޑް ސިސްޓަމް އަޕްގްރޭޑް ކުރުމުގެ މަސައްކަތް ކުރުމަށް ހަމަޖެހިފައިވަނީ ޖޫން ތިން ވަނަ ދުވަހުގެ ރޭ 10:00ން ހަތަރު ވަނަ ދުވަހުގެ ހެނދުނު 9:00ށް ކަމަށެވެ.

ބޭންކުން ބުނީ މި މަސަތްކަތަކީ ބޭންކުން ކަސްޓަމަރުންނަށް ފޯރުކޮށްދޭ ޚިދުމަތުގެ ފެންވަރު ރަނގަޅުކުރުމަށް ކުރަމުންދާ މަސަތްކަތެއް ކަމަށެވެ. އަދި މިއީ ކުރިއަށް އޮތް ތާނގައި ބޭންކުގެ ހިދުމަތަށް ގެންނަން ބޭނުންވާ މުހިންމު ބަދަލުތައް ގެނައުމުގެ ބޭނުމުގައި ކުރެވޭ މަސަތްކަތެއް ކަމަށް ބީއެމްއެލް އިން ބުނެއެވެ.

އޭގެ އިތުރުން ބީއެމްއެލް އިން ބުނީ މިއީ ސިނާއަތުގައި ކަނޑައެޅިފައިވާ މިންގަޑުތަކާ އެއްގޮތަށް ހަރުދަނާ ކަމާއެކު ހިދުމަތް ދިނުމުގެ ގޮތުން ކުރަން ނިންމި ކަމެއް ކަމަށެވެ.

ބީއެމްއެލް އިން ބުނީ މި މަސައްކަތް ކުރަމުންދާ ވަގުތުގައި ރާއްޖެއާއި ރާއްޖޭން ބޭރުގައި ލިބޭ ކާޑުގެ ހިދުމަތްތައް ހިމެނޭހެން އޭޓީއެމް، ޕީއޯއެސް، އެމްޕޮސް، މާޗަންޓް ޕޯޓަލް، ޕޭމަންޓް ގޭޓްވޭގެ އިތުރުން މޮބައިލް ޕޭ ގެ ހިދުމަތް ވަގުތީ ގޮތުން މެދުކެނޑޭނެ ކަމަށެވެ. ނަމަވެސް އެ ވަގުތުގައި އިންޓަނެޓް ބޭންކިންގ އަދި މޮބައިލް ބޭންކިންގެ ހިދުމަތް ލިބޭނެ ކަމަށް ބޭންކުން ބުންނެއެވެ.

ކާޑް ސިސްޓަމް އަޕްގްރޭޑް ކުރުމުގެ މަސައްކަތް ނިމުމުން ކުރިއެކޭ އެއްގޮތަށް ޚިދުމަތްތައް ލިބޭނެ ކަމުގެ ޔަގީންކަން ބޭންކުން ވަނީ އަރުވާފައެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: ހުސައިން ފަރިޔާޒް
0%
0%
0%
0%
0%
0%
ކޮމެންޓް