ލިޓްލް މާރމެއިޑްގެ ސެބާސްޓިއަން މަރުވެއްޖެ

ލިޓްލް މާރމެއިޑް ކާރޓޫންގައި އުޅޭ ކަކުނި (ސެބާސްޓިއަން) ގެ ރޯލަށް އަޑު އަޅާފައިވާ ސެމިއުލް ރައިޓް މަރުވެއްޖެއެވެ.

އެމެރިކާގެ އެކްޓަރ، ސެމިއުލް ބޮޑަށް މަޝްހޫރުވެގެން ދިޔައީ، ލިޓްލް މާރމެއިޑްގެ ސެބާސްޓިއަންގެ ގޮތުގައެވެ. އެ ކާރޓޫންގައި އޭނާ ކިޔާފައިވާ "އަންޑަރ ދަ ސީ" މި ލަވައަށް އޮސްކާ އެވާރޑް ވެސް ވަނީ ލިބިފައެވެ. އެއަށްފަހު ލަޔަން ކިންގްގެ މުފާސާގެ ރޯލަށް ވެސް ސެމިއުލް އަޑުއަޅާފައިވެއެވެ. މީގެ އިތުރުން ވެސް އެނިމޭޓެޑް ފިލްމުތަކުގެ ރޯލުތަކަށް ސެމިއުލް ވަނީ އަޑު އަޅާފައެވެ.

1946 ވަނަަ އަހަރު ނޯތް ކެރޮލީނާއަށް އުފަން މި އެކްޓަރ ވަނީ އެނިމޭޓެޑް ފިލްމުތަކަށް އަޑު އެޅުމުގައި ކާމިޔާބީތަކެއް ހޯދާފައެވެ. އާއިލާއިން ބުނެފައިވަނީ، ސެމިއުލް މަރުވީ ތިން އަހަރު ކެންސަރާ ހަނގުރާމަ ކުރުމަށްފަހު ނިއުޔޯކްގައި ހުންނަ އޭނާގެ ގޭގައި ކަމަށެވެ.

1991 ވަނަ އަހަރު މީޑިއާއަށް ދީފައިވާ އިންޓަރވިއުއެއްގައި ބުނެފައިވަނީ، އޭނާ މިކަމުގައި އުޅުމުގެ ބޭނުމަކީ ވެސް އެންމެން ވެސް އޭނާ ދެކެ ލޯބި ވުމަށާއި، އަބަދުވެސް އޭނާގެ މަތިން ހަނދާން ބެހެއްޓުން ކަމަށެވެ.