ކާޑުގެ މައުލޫމާތު ހިއްސާނުކުރުމަށް އަނެއްކާވެސް އިލްތިމާސްކޮފި
24 މެއި 2021 | ހޯމަ 17:26ކާޑު ނަންބަރު، މުއްދަތުހަމަވާ ތާރީޚު، ސީވީސީ ނުވަތަ ސީވީވީ ކޯޑު ހިއްސާނުކުރުމަށް ވަނީ އެދިފައި
ބީއެމްއެލްގެ އޭޓީއެމެއް
ކާޑުގެ މައުލޫމާތު ހިއްސާނުކުރުމަށް ބޭންކް އޮފް މޯލްޑިވްސް އިން އަނެއްކާވެސް އިލްތިމާސްކޮށްފިއެވެ.
ބީއެމްއެލް އިން ބުނީ ކާޑުގެ އެއްވެސް މައުލޫމާތެއް، ކާޑު ނަންބަރު، މުއްދަތުހަމަވާ ތާރީޚު، ސީވީސީ ނުވަތަ ސީވީވީ ކޯޑު އަދި އިންޓަނެޓް ބޭންކިން މައުލޫމާތުތަކާއި އޯޓީޕީ ފޯނު، އީމެއިލް އަދި މެސެޖަކުންވެސް އެހެން ފަރާތަކާ ހިއްސާކޮށްގެން ނުވާނެކަމަށެވެ. މިފަދަ މައުލޫމާތެއް ނުވަތަ ފައިސާ ފޮނުވުމަށް އެދި ބީއެމްއެލް އިން އެއްވެސް ފަރާތަކަށް ނުގުޅާނެކަމަށް ބޭންކުން ވަނީ ބުނެފައެވެ.
ބޭންކުން މިގޮތަށް އިލްތިމާސްކޮށްފައި މިވަނީ ވައިބަރ ފަދަ އެޕްތައް މެދުވެރިކޮށް ތަފާތު ޕްރޮމޯޝަންތަކުގެ ނަމުގައި ކާޑުގެ މައުލޫމާތު ހޯދުން އާންމުވެފައި ވަނިކޮށެވެ. އެހެން ކަމުން ބޭންކުން ވަނީ މިފަދަ ކަންކަމަށް ސަމާލުވެ ތިބުމަށް ކަސްޓަމަރުންނަށް އިލްތިމާސްކޮށްފައެވެ.
