އައްޑޫ ސިޓީން މިހާތަނަށް 201 މީހަކު ޕޮޒިޓިވް
23 މެއި 2021 | އާދީއްތަ 09:326 މީހަކަށް އެޑްމިޓް ކޮށްގެންދަނީ ފަރުވާ ދެމުން
އައްޑޫ ސިޓީ، މިހާރު އޮތީ މޮނިޓަރިންގެ ހާލަތަށް ގެނެސްފައި
އައްޑޫ ސިޓީން މިހާތަނަށް 201 މީހަކު ޕޮޒިޓިވްވެއްޖެއެވެ.
އައްޑޫ އެކުއެޓޯރިއަލް ހޮސްޕިޓަލުން ބުނީ ހުކުރު ދުވަހުގެ އިރުއޮއްސި 6:00ން ހޮނިހިރު ދުވަހު އިރުއޮއްސި 6:00ށް 189 ސާމްޕަލެއް ނަގާފައިވާ ކަމަށާއި، 9 މީހަކު ޕޮޒިޓިވްވެފައިވާ ކަމަށެވެ. މިހާތަނަށް 201 މީހަކު ޕޮޒިޓިވްވެފައިވާއިރު، 06 މީހަކު އެޑްމިޓް ކޮށްގެން ފަރުވާދެމުންދާ ކަމަށް އެކިއުޓޯރިއަލް ހޮސްޕިޓަލުން ބުނެއެވެ.
އެކުއެޓޯރިއަލް ހޮސްޕިޓަލުން ބުނީ 38 މީހަކު ބަލިން ރަނގަޅުވެފައިވާ ކަމަށާއި، 163 އެކްޓިވް ކޭސް ހިމެނޭ ކަމަށެވެ.
ތަފާސްހިސާބުތަކަށް ބަލާއިރު، ފޭދޫއިން 12 މީހުން، މަރަދޫފޭދޫއިން އެކަކު، މަރަދޫއިން 6 މީހުން، ހިތަދޫއިން 92 މީހުން، ސައުތްޕާމް ރިސޯޓުން އެކަކު، މީދޫއިން 9 މީހުން، ހުޅުދޫއިން 41 މީހުން، އަދި ގަމުން އެކަކު ޕޮޒިޓިވްވެފައިވާ ކަމަށެވެ.
އެކުއެޓޯރިއަލް ހޮސްޕިޓަލުން ބުނީ ކޮންޓެކްޓް ޓްރޭސިންގެ މަސައްކަތްތައް ކުރަމުންދާ ކަމަށާއި، ޚާއްސަ ސަމާލުކަމެއްދީގެން ސާމްޕަލް ނެގުމުގެ މަސައްކަތްތައް ކުރިއަށްދާ ކަމަށެވެ. އެގޮތުން މިހާތަނަށް 3097 ސާމްޕަލެއް ނަގާފައިވާ ކަމަށް އެހޮސްޕިޓަލުން ބުނެއެވެ.
އައްޑޫ ސިޓީގައި ކޮވިޑް-19 ފެތުރެމުންދާތީ ރައްކާތެރިވުމުގެ ގޮތުން ވަނީ ގިނަ ފިޔަވަޅުތަކެއް އަޅާފައެވެ. ކައުންސިލުން ވަކިގޮތެއް އަންގަންދެން، އައްޑޫ ސިޓީ ކައުންސިލްގެ އިދާރާއާއި، އެއިދާރާގެ ދަށުން ހިނގަމުންދާ އަވަށު އޮފީސްތަކުން ދެމުންގެންދާ އެންމެހާ ޚިދުމަތްތައް ދިނުންް ވަގުތީ ގޮތުން މެދުކަނޑާލަން ވެސް މިހާރު ވަނީ ނިންމާފައެވެ. ކައުންސިލްގެ އިދާރާއިން ދެމުންގެންދާ ޚިދުމަތްތައް ދިނުން މެދުކަނޑާލި ނަމަވެސް އައްޑޫ އެމަޖެންސީ އޮޕަރޭޝަން ސެންޓަރާއި ސޯޝަލް ސަޕޯޓް ޑެސްކްތަކުން ދެމުންގެންދާ ޚިދުމަތްތައް މެދުކެނޑުމެއް ނެތި ލިބޭނެ ކަމަށް ކައުންސިލުން ބުނެއެވެ.
އައްޑޫ ސިޓީ ދެވަނަ ފަހަރަށް މޮނިޓަރިންގެ ހާލަތަށް ގެނައީ 1 މެއި ވީ ހޮނިހިރު ދުވަހުގެ ވަގުތެއްގައެވެ. މުޅި އައްޑޫ ސިޓީ މޮނިޓަރިންގެ ހާލަތަށް ގެންދިޔަ އިރު މިދިޔަ ފެބުރުއަރީ މަހުގެ 6 ވަނަ ދުވަހު ވެސް އައްޑޫ ސިޓީ މޮނީޓަރިން ހާލަތަށް ގެންދިޔައެވެ. އެ ފަހަރުގެ މޮނިޓަރިންގެ ހާލަތު އުވާލީ މާޗު މަހުގެ 13 ވަނަ ދުވަހު އެވެ.
