އަންގާރަ 28 ޖެނުއަރީ 2020
10 ހުވަން
1441 ޖުމާދުލް އާހިރަތު 03
ފަތިސް 05:05
އިރުއަރާ 06:19
މެންދުރު 12:23
އަސްރު 15:42
މަޣްރިބް 18:19
އިޝާ 19:34

ވާހަކަ - ޖުހާގެ ފާހަގަ ޖެހުން

ރާއްޖެ އެމްވީ
raajjemv

11 ޖޫން 2018 | ހޯމަ 00:39 32,120

އެއް ދުވަހެއްގެ މެންދުރު ގަޑީގައި ސަހަރާގެ ހަނަފަސް ބިންގަނޑުގެ އެތައް މިތަން ޖުހާ ކޮންނަމުން ދެއެވެ.

އެ ވަގުތުން އެތަނުން ދިޔަ މީހަކަށް މި މަންޒަރު ފެނުމާއެކު، ވެގެން އުޅޭ ގޮތް ސާފުކޮށްލަން އެތަނުގައި ހުއްޓިއްޖެއެވެ.

ޖުހާ ހުރީ ވަރުބަލިވެ ދާހިތްލާ ފޯ ވެފައެވެ.

"ޖުހާ ކިހިނެއް ވެގެން ތި އުޅެނީ...؟" އެ މީހާ އަހާލިއެވެ. "ތިވަރަކަށް ތަންތަން ތި ކޮންނަނީ ކޮން ވަޑާމެއް؟"

"ފައިސާ ކޮޅެއް ފޮރުވަން ވެގެން މިތާނގައި ވަޅުލީ." ޖުހާ ބުންޏެވެ. "އެކަމަކު ވަޅުލެވުނު ސީދާ ތަން ނޭނގިގެން މިއުޅެނީ. މިހާރު އެތަން މިތަން ކޮނެކޮނެ ވަރުބަލިވެއްޖެ."

"އެ ގޮތައް ވަޅުލާއިރު ފާހަގައެއް ޖަހަން ވާނެއްނު." ޖުހާގެ ވާހަކައާ ގުޅިގެން އެ މީހާ ބުންޏެވެ.

"ފާހަގަ ކުރިން." ޖުހާ ބުންޏެވެ. "ވަޅުލީ އުޑުމަތީގައި އޮތް ބޯ ވިލާގަނޑުގެ ހިޔަނި އެޅިފައި އޮތް ދިމާލުގެ މެދުގައި. އެކަމު ކޮންނަން އައިސް ބެލި އިރު ހިޔަންޏެއްވެސް، ވިލާގަނޑެއް ވެސް ނެތް. އެހެންވެ އެތަން މިތަން ކޮންނަން މި ޖެހުނީ."

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.

ކޮމެންޓް