ޢަރަބި އިސްލާމީ ގައުމެއްގައި ބާއްވާ ފުރަތަމަ ފީފާ ވޯލްޑް ކަޕް މުބާރާތް ގަތަރުގައި ފެށީ އާދިއްތަ ދުވަހުގެ ރެއެވެ. މުބާރާތް ހުޅުވުމަށް ބޭއްވި ރަސްމިއްޔާތުގައި ގަތަރުގެ އަމީރު، ޝައިޚް ތަމީމް ބިން ހަމަދު އާލް ސާނީއާއި ފީފާގެ ރައީސް ޖިއާނީ އިންފަންޓީނޯ ވަނީ ބައިވެރިވެ ވަޑައިގެންފައެވެ. މުބާރާތް ހުޅުވުމުގެ ރަސްމިއްޔާތުގައި ވަނީ ގަތަރުގެ ސަގާފީ ހަރަކާތްތަކާއި، ކުރީގެ ވޯލްޑް ކަޕްގެތަކުގެ ހަނދާން އައުކޮށްދީފައެވެ. މުބާރާތް ހުޅުވުމުގެ މެޗުގައި ބައްދަލުކުރާނީ ގަތަރާއި އިކުއެޑޯއެވެ.