ރާއްޖޭގެ ފުރަތަމަ އޮޓޮމެޓިކް ފަޔަރ ސިމިއުލޭޓަރ ހިމެނޭގޮތަށް ރީޖަނަލް އެއާޕޯރޓްސް ކޮމްޕެނީން އޭވިއޭޝަން އެކަޑަމީއެއް އިފްތިތާޙްކޮށްފިއެވެ. އޭވިއޭޝަން އެކެޑަމީ އިފްތިތާހުކޮށްފައި ވަނީ އެކަމަށްޓަކާ ހއ.ހޯރަފުށީގައި ބޭއްވި ޚާއްސަ ރަސްމިއްޔާތެއްގައި ހޯމަ ދުވަހުއެވެ. މި އެކަޑަމީގެ ފަޔަރ ޓްރެއިނިންގ ހިންގުމުގައި ބޭނުންކުރުމަށް ތައްޔާރުކުރި ފަޔަރ ސިމިއުލޭޓަރ އުފެއްދުމުގެ ގޮތުން އެ ސިމިއުލޭޓަރގެ ބޭސަލް މަސައްކަތް އިސްނަންގަވައި ދެއްވާފައިވަނީ އާރު.އޭ.ސީ.އެލް ކުރީގެ ފަޔަރ އެންޑް ސޭފްޓީ ޑިރެކްޓަރ، އަލްމަރުޙޫމް އަޙްމަދު ފަޔާޒެވެ. އަދި މިފަޔަރ ސިމިއުލޭޓަރ އުފެއްދުމުގެ ޢަމަލީ މަސައްކަތްފަށްޓަވާ ދެއްވާފައިވަނީ ފަޔާޒްގެ ސީދާ ބެލުމުގެ ދަށުން 2021 ވަނަ އަހަރުގެ އޮގަސްޓް މަހުގެ ތެރޭގައެވެ.