މަޖިލިސް ޗުއްޓީގައި އޮއްވައި ބޭއްވި މި ބައްދަލުވުމުގައި މަޖިލީހުގެ ރައީސް، ރައީސް މުޙައްމަދު ނަޝީދުވެސް ބައިވެރިވެ ވަޑައިގެންފައިވާއިރު، ރައީސް ނަޝީދު ވިދާޅުވީ، ފާއިތުވި 20 ދުވަހުގެ ތެރޭގައި މޫސުމީ ހަޅައަށްފަހު އާދަޔާ ޚިލާފަށް ރައްޖޭގެ ރަށްރަށަށް ރަށް ގިރުމުގެ މައްސަލަ ކުރިމަތިވެފައިވާ ކަމުގެ ޝަކުވާ އެކި ފަރާތްތަކުން މަޖިލީހަށް ހިއްސާކޮށްފައިވާ ކަމަށެވެ. އެގޮތުން މިކަމަކީ ކުއްލި ގޮތަކަށް ހައްލެއް ގެނެވޭނެ ކަމެއް ނޫން ނަމަވެސް އެކަމުން އަރައިގަތުމަށް މިހާރުން މިހާރަށް އެޅެން ހުރި ފިޔަވަޅުތައް ދެނެގަތުން މުހިއްމުކަން ރައީސް ފާހަގަ ކުރައްވާފައިވެއެވެ.