ސައުތު އޭޝިއަން ގޭމްސްގައި ރާއްޖޭގެ ފިރިހެން ގައުމީ ފުޓްބޯޅަ ޓީމުން ކުޅުން ދެވަނަ މެޗުންވެސް އެއްވަރުވެއްޖެއެވެ. ފިރިހެން ޓީމު އަންގާރަ ދުވަހު ނިކުތީ ބަންގްލަދޭޝާ ދެކޮޅަށެވެ. މި މެޗު ނިމިފައިވަނީ 1-1 ގެ ނަތީޖާއަކުންނެވެ. މި މެޗުގެ ލީޑް ބަންގްލަދޭޝުން ނަގާފައިވަނީ ފުރަތަމަ ހާފުގައި، 20 ވަނަ މިނެޓުގައެވެ. އެއީ އަކްރަމް ޣަނީ ބައިކޮޅަށް ޖެހި ލަނޑެކެވެ. ފުރަތަމަ ހާފު ނިމިފައިވަނީ 1-0 ގެ ނަތީޖާއަކުން ބަންގްލަދޭޝް ކުރީގައި އޮވެގެންނެވެ. ނަމަވެސް، ދެ ވަނަ ހާފުގެ 70 ވަނަ މިނެޓްގައި އިބްރާހިމް ހަސަންގެ ލަނޑަކާ އެކު މެޗް އެއްވަރުވިއެވެ.