2020 ވަނަ އެމިލިއާނޯ މާޓިނޭޒް އާސެނަލް ދޫކޮށް އެސްޓަން ވިލާ އަށް ބަދަލުވިއިރު ޗޭންޖިން ރޫމުގައި ހުރި ލޮކަރުގައި އޭނާ ހާސިލްކުރަން ބޭނުންވާ ކަންކަމުގެ ލިސްޓެއް ބޭއްވި އެވެ. އޭގެ ތެރޭގައި ހިމެނުނު އެއް ކަމަކީ ވޯލްޑްކަޕް ފުޓްބޯޅަ މުބާރާތް ކާމިޔާބު ކުރުމެވެ.

މިއީ އެއިރު ބައެއް މީހުންނަށް ޖޯކަކަށްވެދާނެ އެވެ. ސަބަބަކީ ކުޅޭ ކުލަބުގެ ފުރަތަމަ 11 އަށް ނާރާ ކީޕަރަކު ހަތަރު އަހަރުން އެއް އަހަރު ބާއްވާ ދުނިޔޭގެ އެންމެ މޮޅު ފުޓްބޯޅަ މުބާރާތް ކާމިޔާބުކުރާ ވާހަކަ ދެއްކުމުންނެވެ. އަދި މިއީ ގަވާއިދުން ނުކުޅޭ ކީޕަރަކު މިފަދަ ހުވެފެނެއް ހަގީގަތަކަށް ހަދަން އުޅޭ ފުރަތަމަ ފަހަރު ކަމަށް ވެސް އެއިރު ހީވެފައި އޮތެވެ.

ތަޖުރިބާކާރު ކޯޗު ޑީން ސްމިތުގެ އިރުޝާދުގެ ދަށުން އެސްޓަންވިލާ އަށް ކުޅެން މާޓިނޭޒް ބަދަލުވީއިރު އޭނާގެ އުމުރުން 28 އަހަރުވެއްޖެ އެވެ. މީގެ ކުރިން އޭނާ އުޅުނީ އާސެނަލްގެ ކުޅުންތެރިއެއްގެ ގޮތުގައި ކުދިކުދި ޓީމުތަކުގަ އެވެ. ޕްރެމިއާ ލީގުން ވެސް ފެނުނީ އެންމެ 13 ފަހަރު އެވެ.

ނަމަވެސް އެސްޓަންވިލާގެ ބޮޑީމޫ ހެންތް ޓްރެއިން ދަނޑުގައި ހުރި މާޓިނޭޒްގެ ލޮކަރ ރޫމް މިހާރު ޖަރީވެފައިވަނީ ރަންމެޑެއްޔާއި ޓްރޮފީތަކުންނެވެ. ކޮޕާ އެމެރިކާ އާއި ފައިނަލިސިމާ އަދި ވޯލްޑްކަޕްގެ ރަންމެޑަލް އެތަނުގައި އެބައޮތެވެ. ކޮޕާ އެމެރިކާ އާއި ވޯލްޑް ކަޕް އަދި ފީފާ ދަ ބެސްޓްގެ އެންމެ މޮޅ ކީޕަރުގެ އެވޯޑެއްތައް ވެސް އެތަނުގައި އެބަހުއްޓެވެ. މިއީ އެތައް އަހަރަކަށް މާޓިނޭޒް ފަހުރުވެރިވާނެ ހާއްސަ ކާމިޔާބީތަކެވެ.

ދެ ނަންބަރު ކީޕަރުކަމުން ވޯލްޑްކަޕްގެ މޮޅު ކީޕަރުގެ މަގާމާ ހަމައަށް މާޓިނޭޒް ދެމިގަތީ ކިހިނެތް ހެއްޔެވެ؟ ހަގީގަތުގައި މިކަމަށް އޭނާއަށް ލަފާދިނީ އޭނާގެ ގޯލްކީޕިން ކޯޗު ނީލް ކަޓްލާ އެވެ.

އެސްޓަލަން ވިލާގެ ކޯޗުކަމާ އުނާއީ އެމެރޭ ހަވާލުވުމުން ކަޓްލާގެ ވަޒީފާ ގެއްލުނެވެ. އާގޯލްކީޕަރު ޓްރޭނަރަކަށް ގެނައީ މާޓިނޭޒާއެކު އާސެނަލްގައި ކުރިން މަސައްކަތް ކުރި ހާވިއާ ގާސިއާއެވެ. މި ދެ މީހުންގެ ގުޅުން ރަނގަޅު ނަމަވެސް ވޯލްޑްކަޕް ކާމިޔާބު ކުރުމަށްފަހު ގަތަރުގެ ލުސައިލް ސްޓޭޑިއަމުގައިހުރެ މާޓިނޭޒް ފުރަތަމަ ވެސް ގުޅީ ކަޓްލާއަށެވެ.

މިކަމާ ބެހޭ ގޮތުން ކަޓްލާ ބުނީ އެއީ އޭނާ ހައިރާންނުވާ ކަމަށާއި މާޓިނޭޒަކީ މޮޅުވުމަށްޓަކައި ވަރަށް ގިނަ މަސައްކަތް ކުރާ ކުޅުންތެރިއެއް ކަމަށެވެ.

އާސެނަލް ދޫކޮށް އެއަށްވުރެ މާ އާދައިގެ ކުލަބެއް ކަމަށްވާ އެސްޓަންވިލާ އަށް ބަދަލުވިއިރު މާޓިނޭޒްގެ ހަމައެކަނި މާޔޫސްކަމަކީ ކުލަބުގައި ގޯސްތަކެއް ހަދައިގެން ބެންޗުގައި އިންނަން ޖެހުމުގެ ބަދަލުގައި ގަވާއިދުން ކުޅެން ފުރުސަތު ނުލިބުމެވެ. އޭނާ އަށް ކިރިޔާ ވެސް ފުރުސަތެއް ލިބުނީ އޭރުގެ އެއްވަނަ ކީޕަރު ބެނާޑޯ ލެނޯ އަށް އަނިޔާވުމުން ކޮވިޑް19ގެ ތެރޭގައި ކުޅުނު މެޗުތަކުގަ އެވެ. މި ދުވަސްވަރު ކޮމިއުނިޓީ ޝީލްޑް މެޗާއި ޗެލްސީ ފަދަ ޓީމުތަކާ ދެކޮޅަށް މާޓިނޭޒް ކުޅެން ނުކުތެވެ. ރަނގަޅު ކުޅުމެއް ވެސް ދެއްކި އެވެ.

އެއީ ކަޓްލާ ބުނިގޮތުންނަމަ ވިލާ އަށް ރަނގަޅު ކީޕަރަކު ހޯދަން އެކުލަބުގެ ސްކައުޓުންނާއި އޭނާ މަސައްކަތް ކުރި ދުވަސްވަރެކެވެ. އެ މަސައްކަތުގައި ތަފާތު ކީޕަރުންގެ ޑާޓާތައް އެއްކުރިއެވެ. ނަމަވެސް މި ލިސްޓުގައި މާޓިނޭޒް ހިމެނުނީ އެހެން ކީޕަރުންނަށްވުރެ ފަހަތުގަ އެވެ.

މިއަށްފަހު ވިލާގެ ވެރިންނަށް މާޓިނޭޒް "މާކެޓް" ކުރަން ކަޓްލާ އަށް ޖެހުނެވެ. އެކަމަށްޓަކައި ޕްރެޒެންޓޭޝަންތައް ހަދައި ކުލަބު އެއްބަސްކުރުމާއި އެކުއެކީގައި މާޓިނޭޒްގެ ރުހުންވެސް ކަޓްލާ ހޯދި އެވެ.

ކަޓްލާ ބުނީ އެސްޓަން ވިލާއަށް އައުމަށްފަހު ހާސިލްކުރަން ބޭނުންވާ ކަންކަން ލޮކަރުގައި ލިޔުމަށްފަހު އޭގެ ތެރެއިން ހާސިލްކުރެވޭ ކަންކަމުގައި ކޮންމެ ދުވަހަކު ފާހަގަލަމުންދިޔަ ކަމަށެވެ. އޭގެ ތެރޭގައި ގަވާއިދުން ފުރަތަމަ 11އިން ޖާގަ ހޯދުމާއި ގޯލެއް ނުވަދެ މެޗުތައް ނިންމާލުންފަދަ ކަންކަން ހިމެނެއެވެ. މި ގޮތުން ވިލާގައި ކުޅުނު ފުރަތަމަ ފަސް މެޗުގައި ހަތަރު މެޗެއްގައި އޭނާ ކޮޅަށް ގޯލެއް ނުވަދެ އެވެ. މިއާއެކު އާޖެންޓީނާގެ ގައުމީ ޓީމުގެ ސްކައުޓުންގެ ލޮލުގައި ވެސް އޭނާ އަޅައިގަތެވެ. ނަތީޖާއެއްގެ ގޮތުން ގައުމީ ޓީމުން ފުރުސަތު ލިބި 2020 ވަނަ އަހަރުގެ ކޮޕާ އެމެރިކާގައި ވެސް އެންމެ ގިނަ މެޗުގައި ބައިކޮޅަށް ގޯލެއް ނުވައްދައި ހިފެހެއްޓި ކީޕަރަކަށްވީ މާޓިނޭޒް އެވެ.

އޭނާ އަދި ބުނީ ވޯލްޑްކަޕް ފައިނަލް މެޗުގައި ޕެނަލްޓީ ދިފާއު ކުރުމަށްފަހު މާޓިނޭޒް ދެއްކި ހަރަކާތްތަކަކީ އޭނާ އަށް ކުލަބުގައި ދަސްކޮށްދިން ކަންކަން ކަމަށެވެ.

ގޯހެއް ހަދާފައިވާނަމަ އެކަމުގެ ޒިންމާ އަހަރެންވެސް ނަގާ ކަމަށާއި އޭނާ އަށް ދަސްކޮށްދިނީ ކުރަން އުޅޭކަމެއް ނުވެ ހުއްޓައި އެކަމަކާ ކުރިމަތިލާއިރު ހުންނަންޖެހޭ ސާބިތުކަންކުރުމާއި އޭނާގެ ފަރާތުން ފެންނަންޖެހޭ ހަރުކަށި، ގޮތްދޫނުކުރާނެ ސިފަތައްކަމުގައި ކަޓްލާ ބުންޏެވެ. އަދި އެކަމެއް ކުރުމަށްފަހު އޭނާގެ އިހުސާސްތައް ބޭރުކުރާ ކަމަށާއި އިނާމްދިނުމަށްފަހު އެވީވެސް އެފަދަ ކަމެއް ކަމުގައި މާޓިނޭޒް ވޯލްޑްކަޕުގެ މޮޅު ކީޕަރުގެ އެވޯޑް ހޯދުމަށްފަހު ހުތުރުވައްތަރެއް ޖައްސާފައިވާތީ އެކަމަށް އިޝާރާތްކޮށް ކަޓްލާ ބުންޏެވެ.

އާޖެންޓީނާ އަށް ފާއިތުވެދިޔަ ވޯލްޑްކަޕްތަކުގައި އެންމެބޮޑު މައްސަލައަކަށްވެފައި އޮތީ ރަނގަޅު ކީޕަރެއްގެ މައްސަލަ އެވެ. މިކަން ހައްލުނުވެ އޮއްވައި ކޯޗު ލަޔޮނަލް ސްކަލޯނީ، އޭނާގެ ޓީމަށް މާޓިނޭޒަށް ގޮވާލީ އޭގެ ކުރިން ހަތް ކީޕަރަކަށް ފުރުސަތު ދިނުމަށްފަހު އެވެ. މާޓިނޭޒްވީ އޭނާ އަށް ލިބުނު ރަންގަނޑަކަށެވެ.

އޭނާ އަކީ ވިލާގެ ކޯޗު އެމެރާ ސްޓައިލާ އެހާ ގުޅޭ ކީޕަރަކަށްނުވެ އެވެ. މިހެންވެ މާޓިނޭޒް ވިއްކާލުމަކީ ވެސްއޮތް ފުރުސަތެކެވެ. އުމުރުން 30 އަހަރުވިޔަސް ދަނޑުމަތީގައި އެއީ 22 އަހަރުގެ ހަށިގަނޑެކެވެ. މިހެންވެ މާޓިނޭޒްގެ ލިސްޓުން އަދިވެސް ފުރިހަމަކުރެވިދާނެ އެވެ.