ކޮވިޑް-19: އެންމެ ފަހުގެ

ވައިރަސްއާ ގުޅިގެން އަޅަންޖެހޭ ފިޔަވަޅުތައް އެޅުމުގައި ލާރި ނެތިގެން ނުވެ އޮތް އެއްވެސް ކަމެއް ނެތް، އެހީ ހޯދައިގެން އެކަމަށް ބޭނުންވާ ހުރިހާ ތައްޔާރީތަކެއް ސަރުކާރުން ދަނީ ކުރަމުން- މަބްރޫކް

3 ރިސޯޓެއް މިހާރު މޮނިޓަރިންގ ގަ އޮތީ، ކުރެއްދޫއާ، ބަތަލާ އަދި ކުރަމަތި

ކޭސްތައް ފެންނަ ރަށްތައް ދަނީ މޮނިޓަރ ކުރަމުން، ފުރާ މީހުން ޗެކް ކުރުން އަދި މިވަގުތު ކުރިއަކަށް ނުދޭ

ސުކޫލުތައް ބަންދުކުރުމާ ގުޅޭގޮތުން މަބްރޫކް ވިދާޅުވީ، ކޮންމެ ފިޔަވަޅެއް އަޅަންވެސް ސަރުކާރުން ތައްޔާރު ކަމަށް، ސަރުކާރުން ސުކޫލުތައް ބަންދު ނުކުރާނަމޭ ނުބުނޭ. މި އޮތް 3 ދުވަސް ތެރޭ ޕަބްލިކް ސޭފްޓީއަށް ވިސްނާފައި ގޮތެއް ނިންމާނެ،

އެއްވެ އުޅުން ފަދަ ކަންކަން އެސްއޯޕީގެ ދަށުން ކުރެވެމުންދާނެ،- މަބްރޫކް

އެންމެ ކުރިންވެސް ދަރުމަވަންތައިގެ 11 ފްލޯރއަކީ ބޮޑަށް ބަލިވާ މީހުންނާއި، ކްލޯސް މޮނިޓަރިންގ ގަ ބަހައްޓަންޖެހޭ މީހުން ގެންދިއުމަށް ސެޓަޕް ކޮށްފައިވާ ފެސިލިޓީއެއް، އޭނައާއެކު އޭނާގެ އަނބިމީހާއާއި އިތުރު މީހަކު ގެންދިޔައީ އޮންނަ ޕްރޮސިޖަރ ގެ ތެރެއިން، ނަމަވެސް އޭނާގެ ހާލު ރަނގަޅު- ޑޮކްޓަރު

ދަރުމަވަންތަ ހޮސްޕިޓަލަށް ޕޮޒިޓިވްވި މީހަކު ގެންދިއުމާ ގުޅޭގޮތުން މަބްރޫކް ވިދާޅުވީ، ފަރުކޮޅުފުށީގައި ހުރި ފެސިލިޓީއާއި ވިލިވަރުގައިވެސް ހުރީ ކަރަންޓީންއަށް އެންމެ ރަނގަޅު ފެސިލިޓީތަކެއް ކަމަށް، ލެވެލް 11 އަށް އެކަކު ދިޔައިރު އެއީ އުމުރުން ދުވަސްވީ މީހަކަށްވާތީ ޑޮކްޓަރުން ޓީމުން ބޭނުންވީ އެއީ "ކްލޯސް މޮނިޓަރިންގ" ކޭސްއަކަށް ވާތީ ބަދަލު ކުރުމަށް، އޭނާގެ ހާލަތު ގޯހެއް ނޫން، އޭނާގެ ފުއްޕާމޭގަ ކޮންމެސް ވަރަކަށް "ކޮންޖެޝަން" ހުރުމާއެކު އިތުރަށް ޑޮކްޓަރުން ބޭނުންވީ މޮނިޓަރ ކުރުމަށް

ސްކްރީނިންގ ގަ ޕޮޒިޓިވްވާނަމަ ގެންދާނީ ޓްރެވަލް ކްލިނިކަށް، އެއަށްފަހު ޓެސްޓުތައް ހެެދުމަށްފަހު ކެޓެގަރައިޒް ކުރެވޭނެ، އަލާމާތެއް ނެތް ނަމަވެސް ބޭރު ތެރެއަށް އެއްވެ ނޫޅުމަށް 2 ހަފްތާ ވަންދެން އަންގާނަން. އެ މުއްދަތުގައި އަލާމާތެއް ފެނޭތޯ ބަލަމުންދާނެ އަދި ގޭގެ މީހުންގެ ހާލުވެސް ބަލަމުންދާނެ.

ޑޮކްޓަރުންގެ ޓީމެއް ބަތަލާއަށް އަދި ކުރަމައްޗަށް ދިއުމުގެ މަސައްކަތް ދަނީ ކުރަމުން، ކުރަމަތީގައި ޕޮޒިޓިވްވި 2 ކޭސް ވަނީ ފަރުކޮޅުފުށީގައި، ކްލޯސް ކޮންޓެކްޓެއް ވިލިވަރުގައިވޭ،

ފަރުކޮޅުފުށީގައި ތިބި ސަމަރ އައިލެންޑް 2 މީހުން އެ ރިސޯޓަށް ވަނީ ފޮނުވާލެވިފަ ރޫމް އައިސޮލޭޝަނަށް

ކުރެއްދޫ: ހާލު ރަނގަޅު ފަތުރުވެރިން ފުރުވާލެވޭނެ ނަމަ އެކަން ކުރުމާއި، ކޮންޓެކްޓް ޓްރޭސިންގ ދަނީ ކުރިއަށް، އަދި ރަށް ހުޅުވިދާނެ ތޯ އިންސްޕެކްޓް ކުރެވެމުންދޭ

ވަންއެންޑް އޮންލީ އަދި ވިލަމެންދޫ: އާންމު ޙާލަތަށް ގެނެވިފައި.

އުމްރާއިން މިއަދު މާލެއައި ފްލައިޓް ރާއްޖެއައި، 50 މީހުން ތިބި، ގެނައުމުގެ ކުރިންވެސް ބަލީގެ އަލާމާތެއް ހުރިތޯ ބެލުނު، އެ މީހުން ބޭލުމަށްފަހު އެއްވެސް އަލާމާތެއް ހުރިތޯ ބެލުނު، ދެވަނަ ފްލައިޓެއް 13 ވަނަ ދުވަހު އަންނާނެ، އެ ފްލައިޓާ މެދުވެސް އެގޮތަށް އަމަލުކުރެވޭނެ

ބަންގްލަދޭޝްގައި ތިބި ދިވެހިން ރާއްޖެ ގެނައުމުގެ މަސައްކަތް ކުރެވެމުންދާކަމަށް މަބްރޫކް ވިދާޅުވި. މަބްރޫކު ވިދާޅުވީ، ޗައިނާގައި ތިބި ދިވެހިން ގެނަ އުސޫލުން އެކަން ކުރިއަށްދާކަމަށް

އިންނަހުރާއިން އެޗްޕީއޭއިން ގާއިމްކޮށްފައިވާ ހޮޓްލައިނެއް ކޯލެއް އައިސްފައިވޭ، ކޮންޓްރެކްޓް ޓްރޭސިންގ ހެދިއިރު އެއްވެސް ރިސްކެއް ހުރި މީހެއް ކަމަށް ފާހަގަކުރެވިއެއް ނުވޭ: މަބްރޫކް

ކޮވިޑް-19 ގެ ތަރުޖަމާނު މަބްރޫކް ވިދާޅުވީ، މާދަމާ ހެނދުނުގެ ނިޔަލަށް އޮމަދޫއިން ސެނިޓައިޒަރ ލިބޭނެކަމަށް،

އުތީމު ގަނޑުވަރު ފަތުރުވެރިންނާއި ޢާއްމުންނަށް ދައްކާލުމުގެ ޚިދުމަތް ވަގުތީ ގޮތުން މެދު ކަނޑާލައިފިއެވެ.

ސަޤާފީ ތަރިކަ ރައްކާތެރިކުރާ ޤައުމީ މަރުކަޒުން ބުނެފައިވަނީ ރައްކާތެރިމުގެ ފިޔަވަަޅެއްގެ ގޮތުން ހއ. އުތީމު ގަނޑުވަރުން ދޭ ޚިދުމަތްތައް ވަގުތީގޮތުން މެދުކަނޑާލާފައިވާ ކަމަށެވެ.

ރައްކާތެރިކަމުގެ ގޮތުން އަމަލު ކުރަމުންދާ އުޞޫލުގެ ދަށުން، ޗައިނާއިން ފުރައިގެން މިއަދު ހެނދުނު އެނބުރި ރާއްޖެ އައި ދިވެއްސަކު، 14 ދުވަހުގެ މުއްދަތަކަށް ކަރަންޓީން ކުރުމުގެ މަސައްކަތްތައް ދަނީ ކުރެވެމުން ކަމަށް އެޗްޕީއޭއިން ބުނެއެވެ.

ކޮވިޑް-19 އާ ގުޅިގެން ބާއްވާ ނޫސްވެރިންގެ ބައްދަލުވުން މިއަދު 14:30 ގައި ދަރުބާރުގޭގައި އޮންނާނެކަމަށް އެޗްޕީއޭއިން ބުނެފި އެވެ.

ކޮވިޑް-19 އަށް ކުރަމަތި އައިލެންޑް ރިސޯޓުން ޓެސްޓް ކުރި ދެ ބިދޭސީން ޕޮޒިޓިވް ވެފައިވާކަމަށް އެޗްޕީއޭއިން ބުނެފި އެވެ. އެއާއެކު ރާއްޖެއިން މިވައިރަސް ޖެހުނު މީހުންގެ އަދަދު ވަނީ 8 ށް އަރާފަ އެވެ.

ކޮވިޑް-19 ޖެހިގެން އިންޑޮނޭޝިޔާއިން ފުރަތަމަ މީހާ މަރުވެއްޖެކަމަށް އެގައުމުން ބުނެފި އެވެ. މިއީ 53 އަހަރުގެ އަންހެނެއްކަމަށް އެގައުމުން ބުނެއެވެ. އިންޑޮނޭޝިޔާއިން މިހާތަނަށް 26 މީހަކަށް ވަނީ މިވައިރަސް ޖެހިފަ އެވެ.

ކޮވިޑް-19 އަށް ޝައްކުކުރެވޭ އަލާމާތްތައް ހުރެގެން ވަން އެންޑް އޮންލީ ރީތިރަށް ރިސޯޓުން ސާމްޕަލް ނަގާ ޓެސްޓްކުރި މީހާ ވަނީ ނެގެޓިވް ވެފައިކަމަށް އެޗްޕީއޭއިން ބުނެފި އެވެ. އަދި ޓެސްޓްގެ ނަތީޖާއާއި ވިދިގެން، އަދި "ކޮންޓެކްޓް ޓްރޭސިންގ" ނިމުމާއި ގުޅިގެން މިރަށަށް އަރާ ފޭބުމުގެ އެއްވެސް ހުރަހެއް ނެތްކަމަށް އެޗްޕީއޭއިން ބުނެއެވެ.

އަންނަ މަހު 4 ވަނަ ދުވަހު ބޭއްވުމަށް ހަމަޖެހިފައިވާ ލޯކަލް ކައުންސިލްތަކުގެ އިންތިހާބް ލަސްކުރަން ޖެހޭ ފަދަ ހާލަތެއް އަދި އައިސްފައި ނުވާ ކަމަށް އިލެކްޝަން ކޮމިޝަނުން ބުނެފި އެވެ.

އީސީން މިހާރު ބާއްވަމުން ގެންދާ ގައުމީ ލަފާދޭ ކޮމެޓީގައި ވާހަކަ ދައްކަވަމުން އެ ކޮމިޝަނުގެ ރައީސް އަހްމަދު ޝަރީފް ވިދާޅުވީ އެއްވެސް އިންތިހާބެއް ލަސްކުރުމުގެ ގާނޫނީ ބާރެއް އެ ކޮމިޝަނަށް ލިބިގެން ނުވާ ކަމަށާއި އިންތިހާބް ބާއްވަން ކަނޑައަޅާފައިވާ ތާރީހަށް ބަދަލު ގެނެވޭނީ ކޯޓުން ކަމަށެވެ.

ކޮވިޑް-19 ޖެހިގެން ފުރަތަމަ މީހާ ޕެނަމާއިން މަރުވެފައިވާކަމަށް އެގައުމުން ބުނެފި އެވެ. އެގައުމުން މިހާތަނަށް 8 މީހަކަށް ވަނީ މިވައިރަސް ޖެހިފަ އެވެ. ވައިރަސް ފެތުރޭތީ އެގައުމުގެ ސްކޫލްތައް އޭޕްރީލްމަހުގެ 7 ވަނަ ދުވަހާ ހަމައަށް ވަނީ ބަންދުކޮށްފަ އެވެ.

ކޮވިޑް-19 ތުރުކީގެ މީހަކަށް ޖެހިފައިވާކަމަށް އެގައުމުން ބުނެފިއެވެ. މިމީހާއަކީ ދާދިފަހުން ޔޫރަޕަށް ދަތުރުކޮށްފައިވާ މީހެއްކަމަށް އެގައުމުން ބުނެއެވެ. ނަމަވެސް އެމީހާއާ ބެހޭ އިތުރު މައުލޫމާތެއް ތުރުކީން ހާމައެއް ނުކުރެ އެވެ.

ކޮވިޑް-19 ޖެހިގެން ފުރަތަމަ މީހާ ޖަމައިކާއިން ރިޕޯޓްކޮށްފި އެވެ. މިމީހާއަކީ ޖަމައިކާގެ އަންހެނެއްކަމަށާއި މިމީހާ ދާދިފަހުން ވަނީ އިނގިރޭސިވިލާތަށް ދަތުރުކޮށްފައިކަމަށް އެގައުމުން ބުނެއެވެ.

ވިލަމަންދޫ އިން ޓެސްޓް ކުރުމަށް ސާމްޕަލް ނެގި މީހާ ވައިރަސް އަށް ނެގެޓިވް ކަމަށް އެޗްޕީއޭއިން ބުނެފި އެވެ. އެއާއެކު ވިލަމަންދޫއިން އަރައިފޭބުން މަނާކޮށްފައި އޮތްއޮތުން ވަނީ މިހާރު ނިމުމަކަށް ގެނެވިފަ އެވެ.

އިޓަލީ އައިން ދިވެހިރާއްޖޭގެ ދެ މީހުން މިއަދު ހެނދުނު ކަރަންޓީނު ކޮށްފައިވާކަމަށް އެޗްޕީއޭއިން ބުނެފި އެވެ. އެޗްޕީއޭއިން ބުނީ މި ދެ މީހުން ކަރަންޓީނުކޮށްފައިވަނީ ޕްރޮޓޮކޯލްއަށް އަމަލުކުރުމުގެ ގޮތުން ކަމަށެވެ.

ކޮރޯނާވައިރަސްއާ ގުޅިގެން އައިސްފައިވާ އިގްތިސާދީ ހީނަރުކަމުން އަރައިގަތުމަށް 28 ބިލިއަން ޑޮލަރުގެ ފަންޑެއް ގާއިމްކޮށްފައިވާނެ ކަމަށް ޔޫރަޕިއަން ކޮމިޝަނުން ހާމަކޮށްފިއެވެ.

ޔޫރަޕުގެ އިއްތިހާދުގެ ލީޑަރުންނާއެކު ބޭއްވެވި ވީޑިއޯ ކޮންފަރެންސެއް ނިންމަވާލެއްވުމަށް ޔޫރަޕިއަން ކޮމިޝަންގެ ރައީސް އަރސަލާ ވޮން ޑަރ ލޭން ވިދާޅުވީ، ކޮރޯނާވައިރަސްގެ ސަބަބުން އަސަރުކޮށްފައިވާ ދާއިރާތަކަށް 7.5 ބިލިއަން ޔޫރޯ ހަރަދުކުރަން ހަމަޖެހިފައިވާ ކަމަށެވެ.

އަދި މި އަދަދު 25 ބިލިއަން ޔޫރޯ (28 ބިލިއަން ޑޮލަރު) އަރާނެ ކަމަށް ވިދާޅުވަމުން އަރސަލާ ވަނީ އަންނަ ހަފުތާގެ ތެރޭގައި 7.5 ބިލިއަން ޑޮލަރު ދޫކޮށްދެއްވުމަށް ކައުންސިލާއި ޕަރލިމަންޓަށް ހުށައަޅުއްވާނެ ކަމަށެވެ.