ކޮވިޑް-19: އެންމެ ފަހުގެ

ކޮވިޑް-19 އާއި ގުޅިގެން ސައުދީޢަރަބިއްޔާއިން ބޭރުނުވެވި ތިބި ބިދޭސީ މަސައްކަތްތެރިންނަށް، ހިލޭ 3 މަސްދުވަހަށް ވިސާ އިތުރުކޮށްދިނުމަށް ސައުދީ ރަސްގެފާނު ސަލްމާން އަބްދުލް ޢަޒީޒު އަމުރުކުރައްވައިފިއެވެ.

އެމެރިކާގައި އެއް ދުވަހާއި 33،000 ށް ވުރެ ގިނަ މީހުންނަށް ވައިރަސް ޖެހިފައިވާކަމަށް އެގައުމުން ބުނެފި އެވެ. ބުދަ ދުވަހު އެގައުމުން 33,323މީހުންނަށް ވައިރަސް ޖެހިފައިވާއިރު ބުދަ ދުވަހު ވައިރަސް ޖެހިގެން 1,922 މީހުން ވަނީ އެގައުމުން މަރުވެފަ އެވެ. އެއާއެކު އެގައުމުން ވައިރަސް ޖެހިގެން މަރުވި މީހުންގެ އަދަދު ވަނީ 14,817 އަށް އަރާފަ އެވެ. އެމެރިކާގެ ހުރިހާ ސްޓޭޓްތަކަކުން ވަނީ ވައިރަސް ޖެހިފައިވާ މީހުން ފެނިފަ އެވެ.

އެމެރިކާގެ ނިއުޔޯކުގައި ކޮވިޑް-19 ޖެހިގެން މަރުވީ މީހުންގެ ޝަރަފުގައި ދިދަ ބައިދަނޑިއަށް ތިރިކޮށްފިއެވެ.

ނިއުޔޯކްގެ ގަވަރުނަރު އެންޑްރީ ކުއޯމޯ ވިދާޅުވެފައިވަނީ، ބުދަ ދުވަހަކީ އެ ސިޓީގައި އެންމެ ގިނަ މީހުން ކޮވިޑް-19 ގައި މަރުވި ދުވަސްކަމަށެވެ. ވައިރަސް ފެތުރެމުންދާ ޒާތައް ބަލާއިރު، އޭގެ ޝިކާރައަކަށް އެންމެ ގިނައިން ވަމުންދަނީ ނާޒުކު ޙާލަތްތަކުގައި ދިރިއުޅެމުންދާ މީހުންކަމަށާއި، އަދި މުޖުތަމަޢުގެ ޒިންމާއަކީ މިފަދަ މީހުން މި ނުރައްކާތެރި ވަބާއިން ސަލާމަތްކުރުން ކަމުގައި ގަވަރުނަރު ވިދާޅުވެފައިވެއެވެ.

އެމެރިކާގެ ހުރިހައި ސްޓޭޓަކަށް މިހާރު މިވައިރަސް ފެތުރެމުންދާއިރު، ވައިރަސްގެ އެންމެ ނުރައްކާ ބޮޑީވެސް އަދި އެންމެ ހަލުވިމިނެއްގައި ފެތުރެމުންދަނީވެސް ނިއުޔޯކުގައެވެ.

ކޮރޯނާވައިރަސް (ކޮވިޑް-19) ގެ ސަބަބުން ދިމާވާނެ މާލީ ދަތިތަކުން އަރައިގަތުމަށް، މުސާރަ ކުޑަކުރަން ރެއާލް މެޑްރިޑްގެ ކުޅުންތެރިންނާއި އޮފިޝަލުން ނިންމައިފި އެވެ.

މާލީ ގޮންޖެހުންތަކުން އަރައިގަތުމަށް ރެއާލްގެ ކުޅުންތެރިންނާއި ކޯޗުގެ އިތުރުން އޮފިޝަލުންގެ މުސާރައިން 10-20 އިންސައްތަ ކުޑަކުރަން ވަނީ ނިންމާފައެވެ. ރެއާލުން ބުނީ މިގޮތަށް ނިންމީ ކްލަބުގެ އެހެން މުވައްޒަފުންނަށް ބަރާބަރަށް މުސާރަ ދިނުމަށްޓަކައި ކަމަށެވެ.

ޗައިނާގައި ކޮވިޑް-19 ގެ ކޭސްތައް ރިޕޯޓުކުރެވޭ މިންވަރު އަނެއްކާވެސް އިތުރުވާން ފަށާފައިވާކަމަށް އެޤައުމުގެ ނެޝަނަލް ހެލްތު ކޮމިޝަނުން ބުނެފިއެވެ.

މުޅި ދުނިޔެއިން ކޮވިޑް-19 ޖެހުނު މީހުންގެ ޢަދަދު 1.5 މިލިއަނަށްވުރެ މައްޗަށް އަރައިފިއެވެ.

ކޮރޯނާވައިރަސް (ކޮވިޑް-19) އާ ގުޅިގެން އިނގިރޭސިވިލާތުން ކަނޑައަޅާފައިވާ ގަވާއިދުތަކާ ޚިލާފަށް އަމުލުކުރެވުމުން، ޓޮޓެންހަމް ހޮޓްސްޕާސްގެ ކޯޗު ހޯސޭ މޮރީނިއޯ މާފަށް އެދިއްޖެ އެވެ.

ކޮވިޑް-19 ގެ ސަބަބުން އިންގްލެންޑް ވަނީ ލޮކްޑައުން ކޮށްފައެވެ. އެކަމަކު ޓޮޓެންހަމްގެ ކުޅުންތެރިން ކަސްރަތުކުރުމަށް ނުކުމެ އުޅޭއިރު، ސޯޝަލް ޑިސްޓެންސިންގެ ގަވާއިދުތަކާ ޚިލާފަށް ގައިގޯޅުވެ އުޅެމުންދާ ކަމަށް ވަނީ ރިޕޯޓުކޮށްފައެވެ. އެގޮތުން އެޓީމުގެ ކޯޗު ހޯސޭ މޮރީނިއޯ އާއި މިޑްފީލްޑަރު ޓަންގުއީ އެންޑޮމްބެލޭ އަދި ހޭޑްލީ ކޮމޮން އެކުގައި ބޭރުގައި ކަސްރަތު ކުރަން އުޅުނުއިރު، ސޯޝަލް ޑިސްޓެންސިންގެ ގަވާއިދުތަކާ ޚިލާފަށް އަމަލުކޮށްފައިވާ ކަމަށް ވަނީ ރިޕޯޓުކޮށްފައެވެ.

ޓީބީ ބަލިން ދިފާއުވުމަށް ދެމުން އަންނަ ބީސީޖީ ވެކްސިނުން ކޮވިޑް-19 ބަލިން ދިފާއު ވުމުގެ ފަރުވާ ހޯދިދާނެ ކަމުގެ އުއްމީދު ބޮޑު ކަން ޖޯންސް ހޮޕްކިންސް ބްލޫމްބާގް ސްކޫލް އޮފް ޕަބްލިކް ހެލްތުގެ ސައިންސްވެރިން ގެ ދިރާސާ އަކުން ހާމަވެއްޖެއެވެ.

މިހާރު ހިނގަމުންދާ ކައުންސިލްތަކަށް އަންނަ ޤާނޫނީ ހުސްކަން ފިލުވުމަށް ހެންވޭރު ހުޅަނގު ދާއިރާގެ އެމްޑީޕީ މެންބަރ ޙަސަން ލަޠީފު ހުށަހެޅުއްވި ދިވެހިރާއްޖޭގެ އިދާރީ ދާއިރާތައް ލާމަރުކަޒީ އުޞޫލުން ހިންގުން ކަށަވަރުކުރުމުގެ ޚާއްޞަ ބިލު ޤާނޫނީ އަސާސީގެ ރޫޙާ ޚިލާފުނޫންކަމަށް ބިލު ހުށަހެޅުއްވި މެންބަރ ވިދާޅުވެއްޖެއެވެ.

ކޮރޯނާވައިރަސް (ކޮވިޑް-19) އާ ދެކޮޅަށް އިނގިރޭސިވިލާތުގައި މަސައްކަތް ކުރާ ނެޝަނަލް ހެލްތު ސާވިސަސް އަށް އެހީވުމުގެ ގޮތުން އިނގިރޭސި ޕްރިމިއާ ލީގުގެ ކުޅުންތެރިން ހާއްސަ ކެމްޕޭނެއް ފަށައިފި އެވެ.

"ކުޅުންތެރިން އެކުގައި" މި ނަމުގައި ފެށި މި ކޭމްޕޭން މެދުވެރިކޮށް ނެޝަނަލް ހެލްތު ސާވިސަސް އަށް ފަންޑު ހޯދުމަށް ޕްރިމިއާ ލީގުގެ ކުޅުންތެރިން މަސައްކަތް ކުރާނެ އެވެ. އަދި މި ކެމްޕޭން ކުރިއަށް ގެންދަނީ ނެޝަނަލް ހެލްތު ސާވިސަސް ޗެރިޓީސް ޓުގެދާ އާ ގުޅިގެންނެވެ.

ސައުދީއަރަބިއްޔާއާއި ޔޫއޭއީގެ ގުޅިފައިވާ ލަޝްކަރުން ޔަމަނަށް ދޭ ޙަމަލާތައް މެދުކަނޑާލަން ނިންމައިފިއެވެ.

މިހާރު ދުނިޔޭގައި ފެތުރެމުންދާ ކޮވިޑް-19 ރޯގާއާ ގުޅިގެން އެންމެ ކުދި، ކުދި، އަދި މެދު ފަންތީގެ ވިޔަފާރިތަކަށާއި، ޢާމްދަނީ ހޯދުމަށް އަމިއްލަ މަސައްކަތްކުރާ ފަރާތްތަކަށް ދިމާވެފައިވާ މާލީ ދަތިތަކުން އަރައި ގަތުމަށް އިތުރު ފުރުޞަތުތަކެއް ފަހިކޮށްދިނުމަށްޓަކައި، ސަރުކާރުގެ އިޤުތިޞާދީ ރިކަވަރީ ޕެކޭޖްގެ ދަށުން 'ކޮވިޑް-19 ވިޔަފާރި އެހީ' ގެ ނަމުގައި މިނިސްޓްރީ އޮފް ފިނޭންސް އާއި ގުޅިގެން ލޯނެއް ތަޢާރަފުކޮށްފިއެވެ.

ކޮވިޑް-19 ސިޔާސީ ހަތިޔާރަކަށް ބޭނުން ނުކުރުމަށް ދުނިޔޭގެ ޞިއްޙަތު ޖަމްޢިއްޔާ (ޑަބްލިއުއެޗްއޯ)ގެ ޑިރެކްޓަރ ޖެނެރަލް ޓެޑްރޯސް އެދެެނޯމް ގެބްރިއޭސަސް ވިދާޅުވެއްޖެއެވެ.

ކޮވިޑް-19އަށް ޝައްކުވެގެން ޓެސްޓު ކުރާ މީހުން ބާކީކޮށް، ތަފާތުކުރުންތައް ގެންގުޅޭ ކަމަށާއި، އެގޮތަށް އެކަން ނުކުރުމަށް އައިޖީއެމްއެޗްގެ އެތެރެހަށީގެ ޑރ. މޫސާ މުރާދު އިލްތިމާސް ކުރައްވައިފިއެވެ.

މިހާރު ފެތުރެމުންދާ ކޮވިޑް-19 އާއި ގުޅިގެން ދުބާއީގައި ކައިވެނި ކޮށްދިނުމާއި ވަރިކޮށްދިނުން މުއްދަތެއް ނެތް ގޮތަށް މަޑުޖައްސާލައިފިއެވެ.

ކޮވިޑް-19 އިން ރައްކާތެރިވުމުގެ ގޮތުން ކާފިއު އިޢުލާނުކޮށްފައިވާ ގަޑީގައި ބުދަ ދުވަހު ބޭރަށް ނިކުމެ އުޅުނު 215 މީހަކަށް ނަޞޭހަތް ދީފައިވާކަމަށް ކޮވިޑް-19 ގެ ޓާސްކް ފޯހުގެ ތަރުޖަމާނު މަބްރޫކް އަޒީޒު ވިދާޅުވެއްޖެއެވެ.

ހުޅުމާލޭ މެޑިކަލް ފެސިލިޓީގެ ނަމުގައި އިތުރު ކަރަންޓީން ފެސިލިޓީއެއް ޤާއިމު ކުރުމުގެ މަސައްކަތް ކުރަމުންދާކަމަށް ކޮވިޑް-19 ޓާސްކްފޯހުގެ ތަރުޖަމާނު މަބްރޫކް އަޒީޒް ވިދާޅުވެއްޖެއެވެ.

އިޓަލީވިލާތުގައި މިއަދު އިތުރު 3,836 މީހުން ކޮވިޑް-19އަށް ޕޮޒިޓިވްވުމާއެކު އެޤައުމުގައި ވައިރަސް ޖެހުނު މީހުންގެ ޢަދަދު 139,422 އަރައިފިއެވެ.

މިހާރު ކޮވިޑް-19 އަށް ފަރުވާ ހޯއްދަވަމުން ގެންދަވާ އިނގިރޭސި ބޮޑުވަޒީރު ބޮރިސް ޖޯންސަން، އެ ރޯގާއިން ސަލާމަތްވާނެކަމުގެ ޔަޤީންކަން އެބައޮތް ކަމަށް، އެޤައުމުގެ ފޮރިން ސެކްރެޓަރީ ޑޮމިނިކް ރާބް ވިދާޅުވެއްޖެއެވެ.

ކުރެއްދޫގައި ހިންގާ ތަހުގީގަކާއި ގުޅިގެން މަސައްކަތް ކުރަމުންދަނީ އެޗްޕީއޭއާއި ކޯޑިނޭޓް ކޮށްގެން. ލިޔެކިޔުމުން އެދިގެން ހުއްދަ ލިބިގެން އެ ރިސޯޓަށް އަރަމުންދަނީ. އެރަށަށް އަރާ އިރުގައި ކަން ކުރަންވީ ގޮތް ވަނީ ކިޔާ ދީފައި. އެ ރަށަކީ އައިސޮލޭޝަން އޭރިއާއެއް ވަކިން ކަނޑައަޅާފައިވާ ރަށެއް. ތަހުގީގު ކުރަމުންދާ އިރު ސޯޝަލް ޑިސްޓޭންސިން ބަހައްޓާނެ. މީހުންނާ ދިމާވާ ގަޑީގައި މާސްކް ފަދަ ތަކެތި ބޭނުން ކުރާނެ.

ރޯވި ކޮންޓެއިނަރުގައި ހުރީ ޕްލާސްޓިކާއި ކޮންސްޓްރަކްޝަންއަށް ބޭނުންކުރާ ތަކެތި.

215 ފަރާތެއް ހުއްޓުވުނު

177 ދިވެހިން

38 ބިދޭސީން

33 މީހަކު އައިސޮލޭޓް ކުރެވި 21 މީހެއްގެ ސާމަޕަލް ވަނީ ނެގިފައި.

ކްލޯސް ކޮންޓެކްޓް ހޯދުމުގެ މަސައްކަތް އަދިވެސް ދަނީ ކުރަމުން.

މި ދެ ރިސޯޓުގައި އުޅުމަށްފަހު ފުރައިގެންދިޔަ ފަހުން ޕޮޒިޓިވްވި މީހާގެ ކޭސް އާއި ގުޅިގެން 33 މީހަކު ވަނީ އެކަހެރި ކުރެވިފައި. މީގެ ތެރޭގައި ހިމެނެނީ ރިސޯޓުގެ ސްޓާފުންނާއި، އެމީހާ ގޮވައިގެން އެއަރޕޯޓަށް ދިޔަ މީހުންނާއި، އެއަރޕޯޓުގެ ގްރައުންޑް ސްޓާފުންނާއި، ފުލައިޓް ކުރޫން ހިމެނޭ.

ކަރަންޓީން ފެސިލިޓީގައި ހުރި މީހާކު މާލެ އައި ވާހަކަ؛

- އެނބޫދޫ ފެސިލިޓީގައި ހުރި ކުއްޖެއްގެ ކާފަ ނިޔާވެގެން އެޗްޕީއޭގެ ފަރާތުން އެ ކުއްޖާއަށް ހުއްދަ ދެވުނީ މޫނު ބެލުމަށާއި، ކަށު ނަމާދުގައި ބައިވެރިވުމަށް މާލެ އައުމަށް ހުއްދަ ދެވުނު. މިކަން ކުރަން ވަކިގޮތަކަށް އިރުޝާދު ދެވިފައިވޭ. އިޖްތިމައީ ގައިދުރުކުރުމުގެ ދަށުން ވަކިން ހުރެގެން ކަށު ނަމާދު ކުރުމަށް އެ ކުއްޖާއަށް އިރުޝާދު ދެވުނު. އަދި އެކަން ކުރެވިފައިވަނީ ހަމަ އެގޮތަށް.

ކަށުނަމާދު ނިންމަފައި އެމްއެންޑީއެފްގެ އުޅަނދެއްގައި އެކުއްޖާ ގެންދެވުނީ އެނބޫދޫ ފިނޮޅަށް ނަމަވެސް އަލުން އެނބޫދޫ ވިލެޖަށް 15 މިނެޓް ފަހުން އަނބުރާ ގެންދެވުނު. މާދަމާ އަކީ އެ ކުއްޖާގެ ސާމްޕަލް ނެގެޓިވް ވެއްޖެނަމަ ދޫކޮށްލުމަށް ހަމަޖެހިފައިވާ ކުއްޖެ.

އެނބޫދޫ ފިނޮޅުގައި އެއްވެސް މީހަކާ ކޮންޓެކްޓް ނުވޭ.

ކަރަންޓީންގައި ތިބި ފަރާތްތަކުގެ އާއިލާގެ މީހަކު ނުވަަތަ ގާތްތިމާގެ މީހަކު ނިޔާވެއްޖެ ނަމަ މި ފުރުސަތު ހުރިހާ ފަރާތްތަކަށް ވެސް ދެމުން އަންނަނީ. އިސްތިސްނަގެ ހާލަތުގެ ދަށުން މިކަމަކީ ހުއްދަ ދެވޭ ކަމެއް.