ލޯކަލް ކައުންސިލް އިންތިހާބުގައި ރައްޔިތުން ނިންމި ނިންމުން އިލެކްޝަންސް ކޮމިޝަނުން ދަމަހައްޓަންޖެހޭނެކަމަށް ކުރީގެ ރައީސުލްޖުމްހޫރިއްޔާ މުހައްމަދު ނަޝީދު ވިދާޅުވެއްޖެ އެވެ.
ކައުންސިލް އިންތިހާބު ނަތީޖާ ދައްކާގޮތުން، އިދިކޮޅު ސިޔާސީ ފަރާތްތަކުން ވަނީ ކައުންސިލްތަކުގެ ގިނަ ގޮނޑިތައް ކާމިޔާބުކޮށްފި އެވެ. އެކަމަށް އިޝާރަތްކުރައްވައި ކުރީގެ ރައީސް މުހައްމަދު ނަޝީދު ކުރެއްވި ޓުވީޓެއްގައި ވިދާޅުވެފައިވަނީ، ރާއްޖޭގެ އާބާދީގެ ބޮޑު ބައެއް، އިދިކޮޅު ފަރާތްތަކުން ކާމިޔާބުކޮށްފައިވާކަމަށް ވަގުތީ ނަތީޖާއިން ދައްކާ ކަމަށެވެ. އަދި އިލެކްޝަންސް ކޮމިޝަނުން ރައްޔިތުންގެ ނިންމު ދެމެހެއްޓުމަށް ރައީސް ނަޝީދު ވަނީ ގޮވާލައްވާފަ އެވެ.
އިންތިހާބުގެ ވަގުތީ ނަތީޖާ ދައްކާގޮތުން ރާއްޖޭގެ ހުރިހާ ސިޓީއެއްގެ މެޖޯރިޓީ ވަނީ އެމްޑީޕީން ނަގައިފަ އެވެ. އަދި ބޮޑތި އަތޮޅު ކައުންސިލްތަކުގެ މެޖޯރިޓީވެސް ވަނީ އެމްޑީޕީން ނަގައިފަ އެވެ.
ވަގުތީ ނަތީޖާއިން ދައްކާގޮތުން ރައްޔިތުންގެ ބޮޑު ތާއީދެއް އެމްޑީޕީއަށް އެބައޮތެވެ. އަދި ސަރުކާރުން ކޮންޓްރޯލްކުރަމުން ގެންދިޔަ ބޮޑެތި ދާއިރާތައްވެސް ވަނީ އެމްޑީޕީން ނަގައިފަ އެވެ.
