އޭޕްރިލް 24ގައި, ފުލުހުން ފެށި ހާއްސަ އޮޕަރޭޝަން އަދިވެސް ކުރިއަށްދާކަމަށް ފުލުހުން ބުނެފިއެވެ.
ހޯމަ ދުވަހު މޯލްޑިވްސް ޕޮލިސް ސަރވިސްއިން ފެށި އޮޕަރޭޝަންގެ ދަށުން މަގުމަތީގައި ގިނަ ފުލުހުންތަކެއް ހަރަކާތްތެރި ވަމުންދިޔަ ތަން ފުރަތަމަ ތިން ދުވަހު ފެނިގެން ދިޔަ އެވެ. ނަމަވެސް ހޮނިހިރު ދުވަހު މަގުމަތީގައި ފުލުހުން ނެތްކަން ވަނީ ފާހަގަކުރެވިފައެވެ.
ހާއްސަ އޮޕަރޭޝަން ނިމުނީތޯ ރާއްޖެއެމްވީން ސުވާލުކުރުމުން ފުލުހުން ހޮނިހިރު ދުވަހު ވިދާޅުވީ، "އޮޕަރޭޝަން ދަނީ ކުރިއަށް"ކަމަށެވެ. އިތުރު ތަފްސީލެއް ހިއްސާއެއް ނުކުރައްވައެވެ.
މާލެ ބެލެހެއްޓުމުގައި އިތުރު ފުލުހުން ހަރަކާތްތެރި ވަމުން ދާނެކަން އިއުލާން ކުރަމުން ފުލުހުން ހޯމަ ދުވަހުގެ ރޭ ކުރި ޓްވީޓްގައިވަނީ އޮޕަރޭޝަންގައި "މީހުންނާއި ސުވާލު ކުރުމާއި، ބަލާފާސްކޮށް ސާމްޕަލް ކަލެކްޓް ކުރެވޭނެ"ކަމަށް ބުނެފައިވެ އެވެ.
Male’ there belehettumugai ithuru fuluhun mirein feshigen harakaai therivamun dhaane. 1/2
— Maldives Police (@PoliceMv) April 24, 2017
Mi operation gai meehunnai suvaalu kurumai, balaifaaskoh sample collect kureveyne 2/2
— Maldives Police (@PoliceMv) April 24, 2017
މި އޮޕަރޭޝަން ފަށާފައިވަނީ ރަހުމު ކުޑަ ހަމަލާއެއްގައި ލިޔުންތެރިޔާ ޔާމީން ރަޝީދު މަރާލިތާ އެއް ދުވަސް ފަހުންނެވެ.
