ސްރީލަންކަން އެއަރލައިންއިން ލަންޑަންއާއި ރާއްޖެއާ ދެމެދު ދަތުރުތައް ފަށައިފި އެވެ.
މޯލްޑިވްސް އެއަރޕޯޓު ކޮންޕެނީ ލިމިޓެޑް (އެމްއޭސީއެލް)އިން ބުނީ ކޮންމެ ހަފްތާއަކު ލަންޑަން އާއި ރާއްޖެއާ ދެމެދު ސްރީލަންކަން އެރލައިންގެ ކޮމާޝަލް ދެ ދަތުރު ކުރުމަށް ނިންމާފައިވާ ކަމަށެވެ. މި ދަތުރުތައް ފަށާފައިވަނީ އިއްޔެ އެވެ.
ސްރީލަންކަން އެއަރލައިންއަކީ މިހާރު ރާއްޖެއާ އެކިމަންޒިލްތަކާއި ދެމެދު ދަތުރުތައް އޮޕަރޭޓް ކުރަމުންދާ އެއަރލައިންއެކެވެ.
މީގެ އިތުރުން ވެސް ރާއްޖެއަށް އަންނަ ފަތުރުވެރިންގެ އަދަދު ގިނަވުމާއި ގުޅިގެން ގިނަ އެއަރލައިންތަކުން ދަނީ އަލުން ރާއްޖެއަށް ދަތުރުތައް ފަށަމުންނެވެ.
