ފަނޑިޔާރަކު ބްލެކްމެއިލް ކުރިމަކުގެ ތުހުމަތުގައި ހައްޔަރުކޮށް މިހާރު ގޭ ބަންދުގައި ހުންނެވި މާލޭ ސިޓީކައުންސިލްގެ މެމްބަރު ޒައިދުލް އަމީނުގެ މައްޗަށް ތިން ދައުވާއެއް އުފުލައި ޝަރީއަތް އަންގާރަ ދުވަހު ފެށުމަށް ތާވަލުކޮށްފި އެވެ.

ޒައިދުގެ ޝަރީއަތް އަންގާރަ ދުވަހު 11:00 ގައި ކްރިމިނަލް ކޯޓްގައި ފެށުމަށް ތާވަލް ކޮށްފައިވާއިރު ޒައިދުގެ މައްޗަށް ކުރަނީ ގާނޫނީ ބާރު ހިންގުމަށް ދަތިކުރުމަށް މަސައްކަތް ކުރުމާއި، ހުއްދަ ނޫން ގޮތުގައި މައުލޫމާތު ހޯދުމާއި ހުއްދަ ނޫންގޮތުގައި މައުލޫމާތު ހާމަކުރުމަށް މަސައްކަތް ކުރުމަށް މަސައްކަތް ކުރުމުގެ ދައުވާއެވެ.

ޒައިދު ހައްޔަރުކޮށްފައިވަނީ މި އަހަރުގެ ޖެނުއަރީ މަހުއެވެ. އޭގެ ފަހުން 16 ފަހަރު މުއްދަތު ޖެހުމަށްފަހު ޒައިދު މިހާރު ހުންނެވީ ގޭ ބަންދަށް ބަދަލުކޮށްފައެވެ.

ޒައިދަކީ ދެކަފިވެފައިވާ ޕީޕީއެމް ރައީސް މައުމޫނު ފެކްޝަނަށް ނިސްވަތްވާ ރައީސް މައުމޫނުގެ ސަޕޯޓަރެކެވެ.