ވަގަށް ނަގާފައިވާ ނޫސްވެރިޔާ އަހްމަދު ރިލްވާންގެ އެކުވެރިޔާ މަރާލާފައި އޮތްވާ ފެނިއްޖެ އެވެ.
ސޯޝަލް މީޑިއާ އެކްޓިވިސްޓް، އުމުރުން 29 އަހަރުގެ ޔާމީން ރަޝީދު މަރުވެފައިވަނީ ހޮނިހިރު ދުވަހުގެ ރޭ އޭނާ އަށް ތޫނު އެއްޗަކުން ދިން ހަމަލާތަކަށް، އައިޖީއެމްއެޗްގައި ފަރުވާ ދެމުން ދަނިކޮށް ކަމަށް، އެ ހޮސްޕިޓަލުން ބުނެ އެވެ.
ފުލުހުންގެ މީޑިއާއިން "ރާއްޖެއެމްވީ"އަށް މައުލޫމާތު ދިން ގޮތުގައި ހޮނިހިރު ދުވަހުގެ ރޭ 02:59 ހާއިރު ތޫނު އެއްޗަކުން މީހަކަށް ހަމަލާދީ މަރާލާފައިވާ ކަމުގެ މައުލޫމާތު ލިބުމާ ގުޅިގެން ފުލުހުން މާފަންނު ބިސްބުރު ކައިރިއަށް ދިޔައިރު، އެސަރަހައްދުގައި ހުރި ގެއެއްގެ ސިޑި ކައިރީގައި ތޫނު އެއްޗަކުން މީހަކަށް ހަމަލާދީ ޒަހަމް ކޮށްލާފައިވާ ކަމަށެވެ.
Male' ge ehge sidigolheegai zahamtakakaai eku maruvefai ovvaa fenunu meehaa Akee gasthugai thoonu hathiyarun hamalaa dhee maralaifaivaa 1/2
— Maldives Police (@PoliceMv) April 23, 2017
meeheh, massalaige thahugeegu Fuluhunge serious n organized crime department in ananeekuramun. 2/2
— Maldives Police (@PoliceMv) April 23, 2017
މައުލޫމާތު ލިބިފައިވާ ގޮތުގައި އޭނާގެ ހަށިގަނޑުގެ އެތަން މިތަނަށް ތޫނު އެއްޗަކުން ވަނީ ހަމަލާދީ ޒަހަމް ކޮށްލާފަ އެވެ. އޭނާގެ މޫނަށާއި މެޔަށާއި ކަރަށް ވަޅި ހަރާފައިވާ ކަމަށް އައިޖީއެމްއެޗުން ބުނެ އެވެ.
މައުލޫމާތު ލިބިފައިވާ ގޮތުގައި ދާދި ފަހުން ޔާމީނަށް ބަޔަކު މަރުގެ އިންޒާރު ދިން މައްސަލަ ވެސް ޕޮލިހަށް ހުށަހަޅާފައިވެ އެވެ.
ރިލްވާން ވަގަށް ނެގުމުގެ ކުރިންނާއި ވަގަށް ނެގި ފަހުން ވެސް ރިލްވާންގެ އެކުވެރިންނަށް މަރުގެ އިންޒާރުތައް ދަނީ ލިބެމުންނެވެ.
އޯގަސްޓް، 8، 2014 ގައި ރިލްވާން ގެއްލުނު ވަގަށް ނަގާފައިވާއިރު، އެ މައްސަލަ އަށް 988 ވަނީ ވެފަ އެވެ. ނަމަވެސް ރިލްވާނުގެ ވަގަށް ނެގި މައްސަލައިގެ ހަގީގަތެއް ނުހޯދެ އެވެ. ހުޅުމާލޭގައި ދިއްވި ކާރަކަށް ރިލްވާން އަރުވައިގެން ގެންދިޔަ ކަމަށް ތުހްމަތު ކުރެވޭއިރު، އެ ކާރުގެ ތެރެއިން ފެނުނު ސާމްޕަލްތަކުގެ ޑީއެންއޭ ރިލްވާންއާ ވަނީ ދިމާވެފަ އެވެ.
ޓްވިޓާގައި، "ބަސްނާހާ ލިޔުންތެރިޔާ" ނަންދީފައިވާ ޔާމީން ރަޝީދަކީ ދަ ޑެއިލީ ޕެނިކް ގެ އެޑީޓަރެވެ. ޔާމީންގެ ޓްވީޓަރ އެކައުންޓްގައި ރިލްވާން ގެއްލުމާ ގުޅޭގޮތުން އޭނާ ލިޔުނު ވަނީ ޕިން ކޮށްފައިވެއެވެ.
The Rilwan Story http://t.co/VmNsqkISRa
— Yameen Rasheed (@yaamyn) February 9, 2015
ޔާމީން އެންމެ ފަހުން ކޮށްފައިވާ ޓްވީޓެއްގައި ވަނީ ރަތް ކުލައިގެ ފުއްޕާހަމެއް އެކަންޏެވެ.
— Yameen Rasheed (@yaamyn) April 21, 2017
