ފްރާންސްގެ ޕްރޮޑަކްޓްތައް ބޮއިކޮޓް ކުރުމަށް ގޮވާލާ ބަންގްލަދޭޝްގެ ވެރިރަށް ގާކާގައި މުޒާހަރާ ކުރަން ފަށައިފިއެވެ.
10،000 އަށް ވުރެ ގިނަ މީހުންނާއިއެކު ކުރިޔަށް ގެންދާ މުޒާހަރާގައި، މުޒާހަރާގެ ބައިވެރިން ގޮވަމުން ގެންދަނީ ބަންގްލަދޭޝްގެ ސަރުކާރުން ފްރާންސްގެ ޕްރޮޑަކްޓްތައް މިހާރުން މިހާރަށް ބޮއިކޮޓް ކުރުމަށެވެ. އަދި ފްރާންސްގެ ސަރުކާރުން މުސްލިމުންނާއި ދެކޮޅަށް ފަށާފައިވާ ކެމްޕެއިން ކުށްވެރިކޮށް ބަންގްލަދޭޝް އިން ފްރާންސްއާއިއެކު އޮތް ސިޔާސީ ގުޅުން ނިންމާލުމަށް މުޒާހަރާގެ ބައިވެރިން ވަނީ ގޮވާލާފައެވެ.
މުޒާހަރާގެ ބައިވެރިން ބަންގްލަދޭޝްގައި ހުންނަ ފްރާންސްގެ އެމްބަސީއާއި ދިމާލަށް މިސްރާބު ޖަހައިފައިވާއިރު އެގައުމުގެ ސަލާމަތީ ބާރު ތަކުން ވަނީ ފްރާންސްގެ އެމްބަސީ އާއި ދިމާއަށް މުޒާހަރާގެ ބައިވެރިން އެއް ނުވުމަށް އަންގައިފައެވެ. އަދި އެއްވެއްޖެނަމަ މުޒާހަރާ ރޫޅައިލާނެ ކަމަށް ވެސް ބަންގްލަދޭޝްގެ ސަލާމަތީ ބާރު ތަކުން ވަނީ ބުނެފައެވެ.
ފްރާންސްގެ ޕެރިހުގައި ޓީޗަރަކު ކްލާހުގެ ދަރިވަރުންނަށް ކާޓޫން ދެއްކުމުން ލާއިންސާނީ ގޮތަކަށް ޓީޗަރުގެ ކަރު ވަނީ ބުރިކޮށްލާފައެވެ. އެއާއިއެކު ފްރާންސްގެ ސަރުކާރުގެ އިސް އޮފިޝަލުން ވަނީ ރަސޫލާގެ ކާޓޫނު ކުރެހުމަށް ބާރު ލިބޭ ގޮތައް ވާހަކަ ދައްކައިފައެވެ.
މުސްލިމު ގިނަ ގައުމުތަކުން އަންނަނީ މިކަން ކުށްވެރި ކޮށްފައެވެ. އަދި ފްރާންސްގެ ޕްރޮޑަކްޓްތައް ބޮއިކޮޓް ކުރުމަށް ބައެއް ގައުމުތަކުން ވަނީ ނިންމާފައެވެ.
