ފުލުހުން ހޯދުމަށް އިއުލާނުކޮށްފައިވާ ރައީސް މައުމޫން އަބްދުލްގައްޔޫމްގެ ޕާސަނަލް އެސިސްޓެންޓްގެ ޕާސްޕޯޓް ކެންސަލް ކޮށް، އޭނާ ހޯދުމަށް އިންޓަޕޯލްގެ އެހީތެރިކަމަށް ފުލުހުން އެދިއްޖެ އެވެ.
މ. ހިމްމިޔާ، އަހުމަދު ސޮފްވާން އަކީ ރައީސް މައުމޫންގެ ޕާސަނަލް ސެކެރެޓަރީގެ އިތުރުން، ޕީޕީއެމްގެ ކައުންސިލް މެމްބަރެއްވެސްމެ އެވެ.
ސޮފްވާން ހޯދުމަށް ފުލުހުން އިއުލާނުކުރީ މިމަހުގެ 10 ވަނަ ދުވަހު އެވެ. ފުލުހުން ކުރި އިއުލާނެއްގައި ބުނެފައިވަނީ، އޭނާ ހޯދަނީ އިކޮނޮމިކް ކްރައިމް ޑިޕާޓްމަންޓުން ތަހުޤީޤު ކުރަމުންދާ މައްސަލައަކާ ގުޅިގެން ކަމަށެވެ.
Ahmed Sofwan( A124661) thahuqeeqah ebbarulun dheefainuva massalaai gulhigen eynage passport Maldives Immigration medhuverikoh cancel koh1/2
— Maldives Police (@PoliceMv) April 19, 2017
ބުދަ ދުވަހު ފުލުހުން ބުނީ ތަހުގީގަށް އެއްބާރުލުން ދީފައިނުވާ މައްސަލައާ ގުޅިގެން ސޮފްވާނުގެ ޕާސްޕޯޓް އިމިގްރޭޝަން މެދުވެރިކޮށް ކެންސަލްކޮށްފައިވާ ކަމަށެވެ. އަދި އޭނާ ހޯދުމަށް އިންޓަޕޯލްގެ އެހީތެރިކަމަށް އެދިފައިވާ ކަމަށް ވެސް ފުލުހުން ބުނެ އެވެ.
Interpol ge eheetherikamaaeku hoadhan MPS in edhijje.2/2
— Maldives Police (@PoliceMv) April 19, 2017
ސޮފްވާނު ހޯދުމަށް އިންޓަޕޯލްގެ އެހީތެރިކަމަށް ފުލުހުން އެދިފައިވީ ނަމަވެސް، އަދި މިހާތަނަށް އިންޓަޕޯލްގެ ވެބްސައިޓުގައި އޭނާ ހޯދުމަށް އިއުލާނުކޮށްފައި ނުވެ އެވެ.
