ޖުމްހޫރީ ޕާޓީގެ ލީޑަރު ގާސިމް އިބްރާހިމްގެ ވިލާ ކުންފުނީގެ ސިމެންތި ސައިލޯއެއްގެ ހޮޅި ފަޅައިގެން ގޮސް ވައިގެ ތެރެއަށް ސިމެންތި ބޭރުވެއްޖެ އެވެ.
ތިލަފުށީގައި ހުންނަ ވިލާގެ ސައިޓުގެ ސިމެންތި ސައިލޯއެއްގެ ހޮޅި ފަޅައިގެން ދިޔައީ ބުދަ ދުވަހުގެ މެންދުރު އެވެ.
ރާއްޖެއެމްވީއަށް ލިބިފައިވާ ވީޑިއޯއަކުން ފެންނަ ގޮތުގައި ހޮޅި ފަޅައިގެން ގޮސް ވަރަށް ބޮޑު ސަރަހައްދަކަށް ސިމެންތި ބޭރުވެފައިވެ އެވެ.
ވިލާ ކުންފުނީގެ އިސް އޮފިޝަލަކު ރާއްޖެއެމްވީއަށް މައުލޫމާތު ދެއްވަމުން ވިދާޅުވީ ބޯޓުން ސައިލޯއަށް ސިމެންތި ލޯޑްކުރާ ހޮޅިއަށް ދިމާވި މައްސަލައަކާ ގުޅިގެން ވައިގެ ތެރެއަށް ސިމެންތި ބޭރުވި ކަމަށާއި، ނަމަވެސް ކުޑަ ވަގުތުކޮޅެއްގެ ތެރޭގައި އެ މައްސަލަ ހައްލުކޮށްފައިވާ ކަމަށެވެ.
ސިމެންސި ސައިލޯގެ ހޮޅި ފަޅައިގެން ގޮސްފައި މިވަނީ، ވިލާ ޝިޕިންގ އެންޑް ޓްރޭޑިންގ ގެ އެކައުންޓްތައް ފްރީޒްކޮށް، އެ ކުންފުންޏަށް މާލީ ދަތިތަކާ ކުރިމަތިވެފައިވާ ދަނޑިވަޅެއްގަ އެވެ.
