ދިވެހިރާއްޖޭގެ ގައުމީ ޔުނިވަރސިޓީގެ ފެކަލްޓީ އޮފް އިންޖިނިއަރިންގ ސައިންސް އެންޑް ޓެކްނޮލޮޖީ އަށް "ސިސްކޯ އިންސްޓްރަކްޓަރ ޓުރޭނިންގް ސެންޓަރ"ގެ ދަރަޖަ ލިބިއްޖެއެވެ.
ސެޕްޓެމްބަރު މަހުން ފެށިގެން ސިސްކޯ އެކަޑަމީ އިންސްޓްރަކްޓަރ ޓުރޭނިންގް ސެންޓަރަކީ، ސިސްކޯ ސެޓިފައިޑް ކޯސްތައް ހިންގުމަށް ބޭނުންވާ ހުނަރުވެރި މުދައްރިސުން ތަމްރީންކުރާ މަރުކަޒެއް ކަމަށް ޤަައުމީ ޔުނިވާރސިޓީން ވަނީ ބުނެފައެވެ.
މިމަރުކަޒުން މިސަރަހައްދަށް ބޭނުންވާ ސިސްކޯ އިންސްޓްރަކްޓަރުން ތަމްރީނު ކުރެވިގެންދާނެ ކަމަށާއި މިއީ އެމް.އެން.ޔޫ ބޭރުގެ ގައުމު ތަކުގެ ދަރިވަރުންނަށް ހުޅުވާލަން ލިބުނު އިތުރު ފުރުސަތެއް ކަމަށްވެސް އެޔުނިވަރސިޓީން ވަނީ ބުނެފައެވެ.
ސިސްކޯ ނެޓްވޯރކިންގ އެކަޑަމީއަކީ ކޮންޕިއުޓަރ ވިއުގަ ތަކަށް ބޭނުންވާ މަސައްކަތްތެރިން ތަމްރީނު ކުރާ މަރުކަޒު ތަކެކެވެ. މިއީ މިދާއިރާގައި މިހާރު ދުނިޔޭގައި އެންމެ ފާހަގަ ކޮށްލެވޭ ތަމްރީން ދޭ މަރުކަޒެވެ.
އަދި ސިސްކޯ ތަމްރީން ތަކަކީ ކޮމްޕިއުޓަރ ވިއުގައަކުން ގުޅާލެވިފައިވާ ކޮންމެ އޮފީހަކަށް ވެސް ވަރަށް މުހިއްމު ތަމްރީން ތަކެއް ކަމަށްވެސް ޔުނިވަރސިޓީން ވަނީ ބުނެފައެވެ.
މިހާރު ފެކަލްޓީ އޮފް އެންޖިނިއަރިންގ ސައިންސް އެންޑް ޓެކްނޮލޮޖީގައި ކޮންޕިއުޓަރ ސައިންސާއި އިންފޮމޭޝަން ޓެކްނޮލޮޖީ ކިޔަވާ ހުރިހާ ދަރިވަރުން ދަސްވެނިވާނީ އެމް.އެން.ޔޫ އިން ދޭ ސަނަދުގެ އިތުރުން ސިސްކޯ ސެޓިފިކޭޝަން އަކާ އެކުގައެވެ.
