ލޯކަލް ކައުންސިލް އިންތިޚާބުގައި، ވޯޓްލާން ރަޖިސްޓްރީ ކޮށްފައިވާ މީހުންގެ ލިސްޓް އާންމުކޮށްފައިވަނީ ސްޕްރީމް ކޯޓުގެ ގައިޑްލައިނާއި ހިލާފަށް ކަމަށާއި، ވޯޓާރަސް ލިސްޓުގައި ސޮޔެ ނުކުރާނެކަމަށް އެމްޑީޕީން ބުނެފި އެވެ.
އިދިކޮޅު އެމްޑީޕީން ވަނީ، ލިސްޓުގައި ހުރި މައްސަލަތައް ފާހަގަކޮށް އިލެކްޝަންސް ކޮމިޝަންގެ ރައީސަށް ސިތީއެއް ފޮނުވާފަ އެވެ. އިލެކްޝަންސް ކޮމިޝަންގެ ރައީސް އަހުމަދު ސުލެއިމާނަށް އެމްދީޕީން ފޮނުވި ސިޓީގައި ބުނެފައިވަނީ، ދިވެހިރާއްޖޭގެ ސުޕްރީމް ކޯޓުގެ އަމުރަކާއެކު ނެރިފައިވާ ގައިޑްލައިންގެ ފަސް ވަނަ ނަމްބަރުގައި ކެނޑިޑޭޓުން ނުވަތަ ކެނޑިޑޭޓުން ކަނޑައަޅާ މަންދޫބުން ސައްހަކަމަށް އެއްބަސްވެ، ސޮއިކޮށް އިނގިލީގެ ނިޝާން ޖަހާފައިވާ ލިސްޓެއް ފިޔަވައި އެހެން ލިސްޓެއް ބޭނުން ނުކުރެވޭނެ ކަމަށެވެ. އަދި އެ ލިސްޓުގައި ނަމާއި އެޑްރެހާއި، އައިޑީކާޑް ނަމްބަރު އޮންނަންޖެހޭނެކަމަށް ބުނެފައިވާކަމަށް އެމްޑީޕީގެ ސިތީގައި ބުނެފައިވެއެވެ.
އެމްޑީޕީން ބުނީ ސްޕްރީމް ކޯޓުގެ ގައިޑްލައިންއިން އެގޮތަށް އަންގާފައިވީނަމަވެސް އިލެކްޝަންސް ކޮމިޝަނުން އެފަދަ ލިސްޓެއް އާންމުކޮށްފައިނުވާކަށެވެ.
އެމްޑީޕީން ބުނީ ދިވެހިރާއްޖޭގައި ބޭއްވޭ އިންތިހާބުތަކަކީ، ނުފޫޒެއް އަދި ކޮރަޕްޝަނެއް ނުހިމެނޭ މިނިވަންކަމާއެކު ރައްޔިތުންނަސް ވޮޓުލުމުގެ ހައްޤު ފުރިހަމައަށް އަދާކުރެވޭގޮތަށް ބޭއްވޭ އިންތިހާބުތަކެއްކަން ކަށަވަރުކުރުމަކީއިލެކްޝަންޝް ކޮމިޝަންގެ މަސްއުލިއްޔަތެއް ކަމަށާއި، އިލެކްޝަންސް ކޮމިޝަންގެ މުސްތަޤީލްކަމާއިމެދު ސުވާލުއުފެދޭނެ ނުވަތަ އުފެދިދާނެ އެއްވެސް ކަމެއް ނުކުރުމަކީ އިލެކްޝަންސް ކޮމިޝަންގެ މެމްބަރުންގެ މައްޗަށް ލާޒިމްވެގެންވާކަމެއް ކަމަށެވެ.
އެހެންކަމުން ޕާޓީގެ ފަރާތުން ކުރިމަތިލާފައިވާ ކެނޑިޑޭޓުންނާއި،ޕާތީއާއި ވޮޓުލާ މީހުންގެ ހައްޤުތައް ހިމާޔަތްކޮށް މިނިވަން އިންސާފުވެރި އިންތިހާބެއް ކަށަވަރުކުރުމަށްޓަކައި ޕާޓީގެ ފަރާތުން އަދާކުރަންޖެހޭ ޒިންމާ ފުރިހަމަގޮތުގައި އަދާކޮށްފައިމެނުވީ ލިސްޓުގައި ސޮއިކުރުމަކީ ޕާތީއަށް ދަތި އުދަނގޫ ކަމެއް ކަމަށެވެ.
އެމްޑީޕީން ބުނެފައިވަނީ، ވޯޓާސް ލިސްޓުގައި ތިބި މީހުންގެ އައީޑި ނަންބަރު އެނގެން ނެތް ކަމަށާއި ވޯޓުލާ މީހުންނަކީ ކޮން ބައެއްކަން ނޭނގޭ ކަމަށެވެ. އަދި އެ ލިސްޓުގައި ސޮއި ކުރި ނަމަވެސް ވެރިފައި ވެގެން އަންނާނީ އެ ލިސްޓު ކަމުގެ ޔަގީން ކަމެއް ނެތް ކަމަށެވެ.
