އިންޑޮނޭޝިއާގެ މަޝްހޫރު ރަށެއްކަމަށްވާ ބާލީ އަށް ބޭރުގެ ފަތުރުވެރިން ގެންދިއުން ހުއްޓާލައިފިއެވެ.
ބާލީ އަކީ ގިނަ ބަޔަކު ޒިޔާރަތްކުރާ ތަނެކެވެ. އެމީޙުންގެ އިގްތިޞާދު އެކަމެއްގެ މައްޗަށް ބިނާވެގެން ވަނީ ފަތުރުވެރި ކަމަށެވެ.
އެހެނަސް ރިޕޯޓުތައް ދައްކާ ގޮތުން އިންޑޮނޭޝިއާގެ ބޯޑަރުތައް ބަންދު ކުރުމާ ގުޅިގެން ފަތުވެރިކަންވަނީ ނުހަނު ބޮޑަށް ދަށަށް ގޮސްފައެވެ.
މި ފެށޭ ސެޕްޓެމްބަރު މަހުގައި ބޯޑަރުތައް ހުޅުވާލަން ނިންމާފައިވާ ނިންމުން ބަދަލު ކުރަން ނިންމާފައިވަނީ އެގައުމުގައި ކޮވިޑް-19 ހަލުވިކަމާއެކު ފެތުރެމުން އަންނާތީއެވެ.
ހޯމަ ދުވަހުގެ ނިޔަލަށް ބާލީއިން ކޮވިޑަށް 4576 މީހަކު ފައްސިވެފައިވާއިރު 52 މީހަކުވަނީ ނިޔާވެފައެވެ.
