އިންޑިއާގެ މިނިވަންކަމުގެ ބާނީ މޯހަންދަސް ކަރަމްޗަންދް ގާނދީ ނުވަތަ މަހާތްމާ ގާނދީގެ ބޭނުން ކުރެއްވި އައިނެއް ނީލަމުގައި 470،000 ޑޮލަރަށް ވިއްކާލައިފިއެވެ.

އިނގިރޭސިވިލާތުގެ ނީލަން ކިޔާ ފާމަކުން މި އައިނު އަގު ފައްޓާފައިވަނީ 15،000 ޔޫރޯއިންނެވެ. މިފާމަށް މިއައިނު ލިބިފައިވަނީ މީގެ ހަތަރު ހަފްތާ ކުރިންނެވެ.

މިފާމްއަށް މިއައިނު ލިބިފައިވަނީ އެފާމްއަށް އެޑްރެސްކޮށް މީހަކު ލެޓަރ ބޮކްސްއަށް ލާފައިވާ ޕެކޭޖަކުންނެވެ. މިއައިނު ހަވާލުކުރި މީހާއާ ހަވާލާދީ ބުނެފައިވަނީ ގާނދީ މިއައިނު ހަވާލު ކުރީ އޭނާގެ ބޮޑުބޭބެއަށެވެ.

މިއައިނު ގަތުމަށް ބިޑްކުރި ހުރިހާ ފަރާތްތަކުގެ އަގުވަޒަންކޮށް އޮކްޝަން ހައުސްއިން ބުނީ އައިނު ބިޑަށް ހުޅާލުމުން އާދަޔާ ހިލާފު ނަތީޖާއެއް ފެނިގެންދިޔަ ކަމަށެވެ. އަދި މިއައިނަކީ އާދަޔާ ހިލާފު އެއްޗެއް ސާފުވެގެން ގޮސްފައިވާ ކަމަށް އޮކަޝަން ހައުސިން އިން ބުނެއެވެ.

ގާންދީ މިއައިނު އެމީހާއާ ހަވާލުކޮށްފައިވަނީ 1920ގެ އަހަރުތަކުގެ ތެރޭގައި އޭނާ ދެކުނު އެފްރިކާގެ ބްރިޓިޝް ޕެޓްރޯލިއަމްގައި މަސައްކަތް ކުރަން އުޅެނިކޮށް ކަމަށް ވެސް އޮކްޝަން ހައުސްއާ ހަވާލާދީ މީޑިއާތަކުގައި ރިޕޯޓު ކޮށްފައިވެއެވެ.