ސޯޝަލް މީޑިއާގައި ތުއްތު ކުއްޖެއްގެ ފޮޓޯއާއެކު ހަޑިހުތުރު ބަސް ބޭނުންކޮށް އާންމު ކޮށްފައިވާ ޕޯސްޓުގެ މައްސަލަ ބަލަމުންދާ ކަމަށް ޖެންޑާރ މިނިސްޓްރީން ބުނެފިއެވެ.
ރާއްޖެއެމްވީއަށް ޖެންޑަރ މިނިސްޓްރީގެ އޮފިޝަލް ވިދާޅުވީ ތުއްތު ކުއްޖެއްގެ ފޮޓޯއާއެކު ހަޑިހުތުރު ބަސް ބޭނުންކޮށް އާންމު ކޮށްފައިވާ ޕޯސްޓުގެ މައްސަލަ މިނިސްޓްރީގެ ސަމާލު ކަމަށް އައިސްފައިވާ ކަމަށެވެ. އަދި އެމައްސަލަ ބަލަމުންދާ ކަމަށް މިނިސްޓްރީން ބުނެއެވެ.
18 އަހަރުން ދަށުގެ ކުޑަކުދިންގެ ފޮޓޯ މިފަދަ ގޮތްގޮތަށް އާންމު ނުކުރުމަށް ވެސް ޖެންޑަރ މިނިސްޓްރީން ވަނީ އިލްތިމާސްކޮށްފައެވެ.
މައުލޫމާތު ލިބިފައިވާ ގޮތުގައި ތުއްތު ކުއްޖާގެ ފޮޓޯ ހަޑިހުތުރު ބަސް ބޭނުން ކޮށްގެން ޕޯސްޓު ކޮށްފައިވަނީ ފޭސްބުކްގެ ފޭކް އައިޑީއަކުންނެވެ. މިމައްސަލަ ބަލައިދިނުމަށް އާއިލާގެ ފަރާތުން ފުލުހުންނަށް ވެސް ވަނީ މައްސަލަ ހުށަހަޅާފައެވެ.
