މި އަހަރުގެ ދެވަނަ ކުއާޓަރުގައި 105 މިލިއަން ރުފިޔާގެ ސާފު ފައިދާ އެސްޓީއޯއަށް ލިބިއްޖެއެވެ.
އެސްޓީއޯއިން ނެރެފައިވާ ދެވަނަ ކުއަރޓަރގެ ކުއަރޓަރލީ ރިޕޯޓުން ދައްކާ ގޮތުގައި މި އަހަރުގެ ދެވަނަ ކުއާޓަރުގައި އެސްޓީއޯ އަށް ވަނީ ސާފު ފައިދާގެ ގޮތުގައި 105 މިލިއަން ރުފިޔާ ލިބިފައެވެ. އެހެންނަމަވެސް މިއަަހަރުގެ ފުރަތަމަ ކުއަރޓަރގައި އެ ކުންފުންޏަށް ސާފު ފައިދާގެ ގޮތުގައި 358 މިލިއަން ރުފިޔާ ލިބިފައިވެއެވެ.
މާލީ ރިޕޯޓުން ދައްކާގޮތުން ދެވަނަ ކުއަރޓަރގައި އެ ކުންފުންޏަށް ލިބިފައިވަނީ 1.299 ބިލިއަން ރުފިޔާއެވެ. އެހެންނަމަވެސް އެ ކުންފުންޏަށް ފުރަތަމަ ކުއަރޓަރގައި 2.5 ބިލިއަން ރުފިޔާ ލިބިފައިވެއެވެ.
އެސްޓީއޯގެ ފައިދާ އާއި އާމްދަނީ މިދިޔަ ކުއަރޓަރއާއި އަޅާ ބަލާއިރު ދަށްވިއިރު، ކޮވިޑް-19އާއި ގުޅިގެން އައި އިގްތިސާދީ ހީނަރުކަމުގެ އަސަރު ގިނަ ވިޔަފާރިތަކަށް ދަނީ ކުރަމުންނެވެ.
