ރާއްޖެއިން ޖަޕާނަށް ކަނޑައަޅާފައި ހުންނަ އެމްބެސެޑަރުގެ ނައިބުގެ މަގާމަށް ރައްޔިތުންގެ މަޖިލީހުގެ މަޑުއްވަރީ ދާއިރާގެ ކުރީގެ މެމްބަރު މުހައްމަދު އަމީތު ހަމަޖައްސަވައިފިއެވެ.
އެނގިފައިވާ ގޮތުން އޭނާ އެ މަގާމަށް އައްޔަން ކުރައްވާފައިވަނީ ޖޫން މަހުގެ ފަހުކޮޅުއެވެ. ރާއްޖެއިން ޖަޕާނަށް ކަނޑައަޅުއްވާފައިވާ އެމްބެސަޑަރަކީ އިބްރާހިމް އުވައިސް އެވެ.
އަމީތު އަކީ 18 ވަނަ ރައްޔިތުންގެ މަޖިލީހުގައި މެންބަރުކަމުގެ ގޮނޑި ގެއްލުނު މެމްބަރުންގެ ތެރެއިން އެއް މެމްބަރެވެ. މަޖިލީހަށް އަމީތު، އިންތިހާބުވީ ޕީޕީއެމްގެ ޓިކެޓްގައެވެ. ނަމަވެސް ގޮނޑި ގެއްލުނު ހިސާބުން އޭނާ މަސައްކަތްކުރައްވަމުން ގެންދެވީ، އޭރުގެ އިދިކޮޅު ކޯލިޝަންއާ އެކުއެވެ. 2018 ވަނަ އަހަރު ޖުމްހޫރީ ޕާޓީއާ ގުޅިވަޑައިގެންނެވި އަމީތު އަކީ އަދިވެސް އެ ޕާޓީގެ މެމްބަރެކެވެ.
