ގއ. މާމެންދޫން ކޮވިޑް-19 އަށް ފުރަތަމަ ޕޮޒިޓީވްވި މީހާގެ ހާލު ދެރަވެ މާލެ ގެންނަން ނިންމައިފިއެވެ.
ރާއްޖެ.އެމްވީ އަށް މައުލޫމާތުދެއްވަމުން ގއ. އަތޮޅު ކައުންސިލްގެ ރައީސް އަހުމަދު ފުއާދު ވިދާޅުވީ އެމީހާގެ ހާލު ދެރަވެގެން މާލެ ފޮނުވާލުމުގެ މަސައްކަތް ކުރަމުންދާ ކަމަށެވެ. ފުއާދު ވިދާޅުވީ, އޭނާ މާލެ ގެނެވޭނީ ހޯމަ ދުވަހުގެ ހެނދުނުގެ ވަގުތެއްގައި ކަމަށެވެ.
މާމެންދޫން ކޮވިޑް-19ށް ފުރަތަމަ ޕޮޒިޓިވްވެފައި ވަނީ އުމުރުން 28 އަހަރުގެ ފިރިހެނެކެވެ. އެ މީހާ އަކީ މާލެއިން މާމެންދޫ އަށް ގޮސް ހޯމް ކަރަންޓީނުގައި ހުރި މީހެކެވެ.
އެމީހާއާ އެކު އެރަށުން ތިން މީހަކު ވަނީ ކޮވިޑް-19ށް ޕޮޒިޓިވްވެފައެވެ. މާމެންދޫން ފެނުނު ކޭސްއާ ގުޅިގެން 13 މީހަކު ކަރަންޓީނު ކޮށްފައިވާ ކަމަށް ނެޝަނަލް އިމަރޖެންސީ އޮޕަރޭޝަން ސެންޓަރ (އެންއީއޯސީ) އިން ވަނީ ބުނެފައެވެ.
